Veikhat ah siangpahrang pakhat in a fim zet mi zawhte pakhat a nei. Cui zawhte cu dai zet in siangpahrang tonak ah siangpahrang thawn an um tlang theu.
Rawl a ei a si khalle daiten a eiih a feh a si khalle puitling zet le daite in siangpahrang tualrawn ah a feh theu.
Siangpahrang pakhat in a ringring in a zawhte cu a porh in a sunlawih zet a zawhte cu sinak nei zet mi zawhte a si tin a tiih a zum zet.
Tonkhawm awk nak an neih tinten siangpahrang tonak ah a hruai theu. Zawhte khal tonkhawm nak an theh hlan lo zianghman ai lo in le a mei khal cang lo in a um theu.
Siangpahrang pa cun tonkhawm nak an theh zawngah a mipi pawl thawn a kut hnuai hnatuan pawl kha ka zawhte cu a ringring in a dai ih si nak thawn a khat thukhla a sim.
An zaten cun a si a hman bawipa an ti. Asinan a kuathnuai ih tuan pakhat in ka lung a kim lo Bawipa tin a sim sal.
Cuitongkam cu Siangpahrang pa in a theih tikah a lungsi lo ih Hei Paw Oo nang kha “Ziangruangah hitin na tong … na tong kam hrangah tetti in hmuh a tul in hmuh thei lo a si le na tong mi ah tuanvo na lak a tul ka zawhte cu ziangtik hman ah sinak a hloh lo tin a tiih thaizing tonkhawm awk nak ah tetti in hmuh a tul tin a tiih tonkhawm nak cu an cawl.
A thaizing tonkhawm awk nak ah a dang a kuthnuai tuan pawl cun tiaw ter mi tin an ruat ih zingtin tetti a hmuh pei ti mi ruah nak thawn an zoh.
Siangpahrang pa khal zawhte thawn siangpahrang to nak ah toin Paw Oo kha tetti a phi ka thei duh tuk zo. Paw Oo in hmuh thei lo tin a ruat ih a hni. Paw Oo ka zawhte sinak a nei lo ti cu in hmuh aw hen a ti.
A kut hnuai hnatuan tu pa cun ka lo hmuh ding a ti ih hmaiah cun a suak ih a dip sungih a kaih mi zinghnam kha a phorh ih zawhte in a hmu ol nak hmuh ah a thlah.
Zinghnam a hmuh veten zawhte cu a dawp in miburpi lakahcun a dawi. Zinghnam khal mibur lak in siangpahrang ton nak ah a kai zawh te khal siangpahrang tonak ah kai thul tin an dawi aw ciamco.
Netabik ah singpahrag pai lu par in a feh in zawhte cun a nam ih siangpahrang lukhum tiang in a tlak. Zawhte khal zinghnam a kaih ngah hlan lo a dawi zinghnam a kaih ngah lawngah dai ten a um.
Siangpahrang pa khal in a kuthnuai pa ih tong mi cu a pom ih a lung a kimtuk ruangah laksawng khal a pek.
Hi thuamthu ih in sim duh mi cu kan nungram ah kan duh mi tamtuk a um ruangah veikhat veihnih duhnak ruangah sinak nei lo mi tuahnak, tongkam pawl thawn duhmi khal kan lak theu curuangah duh nak ruangah sinak hloh lo dingin ralring thiam cio uh si.
Zawhte khal a ngaingai ahcun a hlan ahcun a ngaingai in sinak nei zet ih rak um tu a si. Asinan a duh bik mi rawl a hmuh tikah a rak kilhim mi a sinak kha a hloh a si.
Minung pawl khal hivek thotho a si nungdam sungih kan kilhim mi kan sinak pawl cu kan duh mi sui le ngun, duhdawt nak, hamtam nak, nomawk nak pawl ruangah a hlo ngah pang theu.
Curuangah zawhte vekih si lo dingin kilhim thei hram uh” ti simphah in ka cem ter ding.
Credit/ Ashin Marnita
