RVA Falam Serivce/ October 31, 2026
Pope Leo XIV cu a thi zotu pawl zate hrang mansal nak thlacamnak ni All Souls day ni a si mi November 2 ni ah Rome khuapi ih um mi Campo Verano thlanmual ah Missa raithawinak a tuah ding a si. Pope Leo XIV in 2025 nikum khal ah hi vek thotho in caanserh a rak hmang a si.
Kan dung kum ih caanserh sungah Pope in Khrih thawhsalnak thuthuk (Paschal Mystery) kha hrambun a si mi Christian zumnak cu a hlan ih hminsinnak pawl kha hmailam caan ah riahsannak ah in tep ter ih in thei thiam ter thu a rak sim.
Cuihlei ah Pope ih Missa raithawinak pawl le biakthawinak thawn pehpar mi caanserh pawl timtuah tu zungpi (Office for the Liturgical Celebrations of the Supreme Pontiff) in 2026 October 27 nihnih ni ah November thla in December thla thok tiang a tuah tu ding Pope ih caanserh pawl kha an rak suah.
Cui caanserh pawl cu
November 5 – kan dung kum ih nunnak cemtu pawltu Cardinal pawl le bishop pawl hrang St. Peter biakinn pi ah Missa raithawinak cu Pope ih hoha in a tuah ding a si.
November 6-17 tiang Uruguay, Agentina le Peru ram pawl ah a feh ding a si.
November 17- St. Peter biakinn pi ap nak puai (Solemnity of the Dedication of the Basilica) ni hrang Missa raithawinak a tuah ding. Tuikum ah hin hi biakinn pi an rak ap nak cu kum 400 a kim ding a si.
December 8- Bawinu Maria sualhram nei lo ih a semnak Solemnity of the Immaculate Conception) puai ni ah Rome khuapi ih Piazza di Spagna ah a feh dingih sual hram nei lo ih a semtu Maria hnen upat sunloihnak caanserh a hmang ding a si.
Source- Vatican news
27 October 2026
