RVA Falam Service/ October 27, 2026
Pope Leo XIV in Latin America rampi ih Uruguay, Argentina le Peru ram pawl ah November ni 6-17 tiang a tlawn thei ding ruangah a lungawinak a lang ter.
October ni 26, tlawngkai nikhat ni ah Vatican zungihsin an suah mi thuthang sungah Pope Leo ih khualtlawnnak ding thu kha a hlan vek in a si ding ti mi kha an than.
Pope ih khualtlawnnak cun “ Kawhhran thawn pehtlaihawknak kha hnget ter sinsin ding in le , rinsantlak zumtupawl ih an hnatuan mi pawl tha pe ding in le Uruguay, Argentina le Peru ram ih mipi pawl hnenah zumnak, ruahsannak le daihnak thuthangtha simding in, hi leitlun ih Bawi Jesuh a rak ken mi ruahsannak le daihnak laksawng pawl zemawk thei nak lam zin a on sak thei ding” tiah Vatican ih thuthang sung ah an tar.
“Pope Leo in a rak um zonak le a nunram ih thil phunphun a rak ton nak hmunram ih va tlawn sal ding cu a hngakhlap zet” tin a sim. “Hi mi a khualtlawnnak cu khat le khat thuhmi um lo ten sim awk ding, u le nau vek rori in pehtlaihawknak kha hnget ter sinsin ding , cun Pathian thuhthang tha kha lungawi zet ih phuan ding ti mi tuanvo a thar in tuahsuak thei ding ih lam on tu pakhat si hram seh” tin Pope in a ti.
Octobe ni 13 ih operation an tuah hnu Pope ih hrahdamnak lam thu thawn pehpar ih an than mi ah cun, “sii lam ih tuanvo neitu pawl hnen ihsin an ruahdan thu an kuat mi ah Pope ih harhdamnak lam hi a thang so vivo tin “ an sim. “A hlan ih an sim vek in zianghman buainak harnak um lo. Nehhnu ih an sii sitnak sung khal ah a natnak hi mal te lawng a si ih cancer natnak vek ih hlawm khal a tul nawn lo” ti an sim.
Pope Leo cu a mah le mah kha thaten zoh aw in siibawi pawl ih ruahnak pek dan vek in a hna tuan mi pawl, a kel ten nuam teten a tuan vivo. “Sii sit ding in thupi zet ih an nitin mi pawl le misen pi hrang ih a hnatuan mi pawl khal a zoh phah ih nitin a tul mi tete kha zoh in colhcaan te tla pek a si theuh“ tiah an sim.
Pope Leo cu a mah zoh tu siibawi pawl le thlacam sak tu pawl hnen ah lung awi thu a sim ring ring. Dr. Luigi Carbone in, Pope Leo cu siibawi pawl ih thusim mi pawl thaten a thlun ih, pawlpi hrang ah hna ka tuan ding timi fumfe zet ih ruahnak thinlung khal a nei” tiah a sim.
Hi mi cu Vatican news sung ihsin lak mi thuthang a si.
source: Vatican News
See less
