RVA Falam Service/ October 23, 2016.
Nigeria ram ih Catholic Bishop pawl in 2027 rampi hrilawknak remdai ten an tuah suak theinak ding hrangah rawlul thlcamnak nili tuah dingah an rak forhfial.
Catholic Bishops Conference of Nigeria – CBCN ih suah mi caanserh vekin 2026 October 31 in 2027 January 15 tiang Parish dinhmun in thlacamnak nithum le diocesesan in thlacamnak nikhat kha an rak ngam hnget.
Hi mi caan cu President le Hluatdaw hrikawk nak caan thlen hlan khal a si.
Rampi sungih Diocese hranghrang pawl hrang thlacamnak ni cu 2026 December 8 ni sualhram nei lo ih a semtu Maria ih puai ni ah tuah a si ding.
Nigeria ram ah President, vice President , tlun lam Hluatdaw le hnuai lam hluatdaw aiawhtu pawl hril dingah hrilawknak kha 2027 January 16 ah tuah dingah namhnget a si.
Cuihnu ah Ramthen uktu le ramthen Hluatdaw pawl hril dingah January 6 ni ah hrilawknak pawl pehbet in an tuah ding a si.
Bishop pawl in hrilawknak caan pawlah tuletu an ton theu mi harsatnak pawl, Me ruknak pawl, me leinak pawl le phunhnam le biaknak ih hmuh daan vekin ruahnak bangawk lonak a caan ter thei thu ralrinnak an rak pe.
Cui harsatnak pawl pahtlang thei dingah thudik, remdaihnak le mi tampi thathnemnak hrang zaten zuam cio dingah a tul thu khal Bishop pawl in an rak sim.
Diocesan pawl, Parish Pawlkom pawl, innsungsang pawl le bulpak in siseh thatho ten tel dingah sawm phah in sim thannak an rak nei.
“Kan mai lungrual ih thlacamnak pawl le tuanvo a thei mi ram mi pakhat ih telnak cu ram mipi ih a hman mi duhnak a can theinak dingah le Nigeria ramah remdaihnak, lungrualnak le a hman mi ukawknak pawl a thanso vivo theinnak dinghrangah bomnak pe hram seh.”
Photocourtesy- shalom world news
