RVA Falam Service/ October 22, 2026
St. Joseph sister a si mi Sr. Arkanjela Oursiti cu Aleppo Khuapi ih St. Luis siizung ah kum 56 sung rori tihphannak le siatsuahnak tampi lak ah, a mai suah nak ram ah tlung lo in mifarah le midam lo pawl lam ah tang in a duhdawtnak kha a lang ter.
Zingtinte siizung inn tlun ah a kai ih, zan ih rallak ih thitupawl ruak ihsin a tang mi vuzam pawl cu a kom khawm ih, cui vutzam pawl cu rimhmui bel le phayawndai vannak khung ah a tuah.
Cu mi pakhat ciar ah a thicia mi thlaraupawl daihnak an hmuh thei nak ding hrang ah thlacamnak tla a tel ih, thihtik ih hman ding mi thilri, nunnak le remdaihnak langter tu hminsinnak zuk(symbol) ah a can.
Tuisun ah, Sr. Arkanjela cu Italy ram in, Muslim le Khristian tin thleidannak um lo ih mi zate par ih zawnruahnak thinlung thawn a tuahnak pawl theipitnak ah Order of the Star of Italy ti mi upat sunlawihnak capi an pek. Aleppo ih um mi pawl in, tuisun ni tiang ah Sister pawl ih umpitnak cu an hrang ah thazang tha le ruahsannak a si tin an sim theu tiah Sr. Arkanjela in a sim. Hi tivek in tuantheinak thazang cu Pathian hnen ihsin a ngah mi a si.
A mah cu hriamhrei hmang in raldonak tuar tu si lo in, duhdawtnak le thlacamnak thawn tuar tu a si ih vutzam sung ihsin ruahsannak nei thei ding in tetti hmuh thei tu Sister a si.
Source : www.abuana.org
