RVA Falam Service/ October 18, 2026
Bawipa thi le sa hmai ah fehphah in thla ka cam ziang ruang ah ti le mikeu in dai ten um in awih lo. Diocese ih zatek 5 lawng in leipar ah an um. A dang cu tikulh sung lawng te um mi an si. Zumtu umnak hmun Khua hrek khat thlen ding ah cun nithum sung Lawng to a tul. Leilung dengnak hmun rori si ko tiah Papua New Guinea ram ih Alotau-Sideia Diocese ih Bishop Jacek Tendej in Vatican News hnen ah a sim.
Bishop Tendej cu missionary siding ah a ruat aw dah lo mi a si. Fimzirhnak lam lawng lawng ah High School tlawng sayaci dinhmun ih rak tuan tu a si. “Hi tawk hmun ah na thi ding tin mitinkim in in ti” tiah hniphah in a sim. Zohman in hivek missionary dinhmun in hmundang thar ah feh ding hi an ruat dah ve lo.
Fr. Tendej cun, Papua New Guinea ah fehding in an mah Kaing (Vincentians Kaing) ih hotu in email i kuat. A hmaisa ah cun, ziang tin kum 50 kim hnu ah si thei pei maw tin Bawipa thi le sa hmai ah rei pi thla cam in thu ka ruat. Cu le Pope Francis ih Argentina Bishop pawl hnen ih a cakuat mi “ Minung pawl hnen ih a feh lo mi Kawhhran cu mi naa a si, minung umnak hmun ih a feh mi Kawhhran cun accident an tong men thei— kei cun a na mi Kawhhran hnak in vei tam pi accident a tong mi Kawhran ka duh sawn a ti” mi kha ka ruat ih, hi micu ka hrang ah Thiangthlarau hnen ihsin a ra mi (answer) a phi a si” tin ka ruat tiah Bishop Tendej in a sim.
Cutin zianghman thei lo in ka feh. Seminary rector tuanvo in pek. Seminary tlawng ka zoh tik ah siangbawi tlawngta pawl umnak ding vek tla a bang lo ih nuam teten a tul sam mi pawl tla kan rem vivo. “A hrekkhat khan pawl tla cu, ni tla hmuh thei a si, ruah a sur tla le tipung khai tul, vanthatnak ah kei ka khan cu tikuang sung te ah ruah a rung tla ih thawn tul lo in ka um” tiah hniphah in a sim.
Kum 2025 July thla ah khan, Apostolic Nuncio in Fr. Tendej, Pope Leo XIV in Alotau-Sideia ih Bishop ding in tuanvo a lo pek ti in sim ih, mangbang phah in cui tuanvo cu ka rak cohlang. September 27, 2025 kum ah Bishop Ordination ka ngah. Tu ah cun, Papua New Guinea ram ah missionary pawl an tam vivo ka hmu ih ka lung awi nasa tin a sim.
Feh phah in thlacam
Mission tlamtling thei nak ding ah thlacam hi a thu pi tuk. Pope Leo XIV ih zirh mi khal a si, keimah thawn khal in a kaih aw zet mi a si tin thlacam tul dan zia thu Bishop Tendej in a sim. Cu le a thlacam dan phun thum thu hi tin a sim bet: “ ka um nak hi khan khat te lawng a si. Thlacamnak khan ka nei lo ruang ah Biak inn pi ah Bawipa thi le sa hmai ah feh phah in thla ka cam theu. Cui fehphah ih ka cam san nak pa 3 cu- mikeu in thlacam thei lo in in tuah, thlacam lai ah itthat lo ding in le (exercise) tuah dingring ding mi thil tha zet pakhat a si” ti ka hmu fiang ruang ah, tin a ton dan thu a sim.
Pathian thu an hal
“An hnen ih Bishop a thlen ding hi ziang tluk in an hlawp ti kha ka khualtlawnnak ah ka hmu” tin Bishop Tendej in a sim. Ziang tluk ih ticu nikhua a siat khal ah ka feh. Veikhat cu Tlawng in thluasuah pek ding in kan feh, nazi 10 thleng ding timi kha pa 4 ah kan thleng. Lawng pa hnih in in thlun. Cuti vek in harsatnak kan tong tin a tonteh mi pawl Bishop Tendej in a sim.
Hi mi thuthang cu Vatican news ih sin kan hmuh mi a si.
Photo Credit : Vatican news
