RVA Falam Service/ November 9, 2026
Pope Leo XIV in Argentina ram ih Don Orione kilkhawinak hmun ih a lennak ah Khrih ih duhdawtnak cu mai hrang lawng ruahnak le minung nunphung karlak ih hrial awknak neh hram dingin thla a rak cam. Cuihleiah “Pathian cu duhdawtnak a si ruangah duhdawtnak ih peknak cu leilungpi kha a ruun thei ding” ti khal in thupit in a rak sim.
Pope Leo XIV cu Argentina ram ah a Tuukhal khual tlawnnak ah a nihnihnak ni ah Claypole khuapi ih Don Orione kilkhawinak hmunah vehvaihnak a nei ih cui hmun ih sungtuan pawl le kilkhawi mi pawl a rak tong.
Pope cu Uruguay a tlawn theh hnu zarhpi ni zanlam ah Buenos Aires khuapi ah a rak thleng. Pequeno Cottolengo ti ih mi theih tam mi kilkhawinak hmun cu 1935 kum ah mithianghlim Luigi Orione in a rak din ih taksa kim lo pawl cohlang in a rak kil mizohkhennak pakhat a si. Cui hmun ah a umtu minung 400 luan an si ih inn 14 a um ih leiram erea hatta 50 hrawng a kau.
Hi a khualtlawnnak sungah Pope cu cui kilhimnak inn ih riantuan tupawl ih zuamnak le duhsaknak neihnak pawl a rak lawm. Cuihleiah hi zohkhennak cu nitin nunram ih tuahnak pawl le mi khat le khat duhdawtnak in riantuannak kha langsar in hmuh theinak hmun pakhat a sithu a rak sim.
Cuithlunah taksa kim lo pawl cu minung nunphung hrangah phurrit an si lo ih thlawhsuah pawl an si thu thupit in a rak sim.
Ram, ramkhat a thansonak tahnak a si mi cu a hman mi tidaan pawl,
Pope Leo in hi mi vekih hmun pawl ah a langsar zet mi minungih sinak, pawlkom sungih neihnak le unau suak khat thinlung nelawknak pawl ih manhlat zia pawl cu sumdawnnak lawng lole a lenglam ih thupitnak pawl in neh mi kan minung pawlkom pawl hrangah tampi zir ding mi a pe thei asi” tiah a rak sim.
Cuihnuah ram, ram khat ih thansonak kha tah tikah taksa kim lo pawl le a hleice in a tultuk tu pawl zate kha ziangtizat in cohlang in kan kilkhawi thei ti mi khal tah thei a si” ti khal in a rak sim.
Hi mi thawn pehpar in Argentina ram ah mino thawng tampi in lainatnak hnatuan pawl ah duhsaknak thawn a tuan mi ah tel dingah le duhdawtnak thawn riantuannak thawn ap mi religious santhar mino pawl suak ding khal ah Pope in a ruahsan thu a sim. Mitin ih pek mi mai thiamnak le parame pawl kha a tulsam tuk tu pawl hnenah hmang nak in thianhlimnak ah kawhnak lehrul ding khal ah a rak forhfial.
Pathian cu duhdawtnak a si ruangah duhdawtnak in leilungpi a ruun ding a si.
Argentina ram cu a tumzet mi zaangfah lainatnak hnatuan kha a tuan thei mi ram pakhat dingah Pope in a ruahsan thu a langter ih “duhdawtnak thawn peknak cu leilungpi kha a ruun ding asi” ti mi ttongfang kha zombet in in a rak sim. Ziangahtile “Pathian cu duhdawtnak asi ruangah” a si.
Duhdawtnak le Khrih ih duhdawtnak thuhla ruatphan ih simnak ah Pope in cui kilkhawinak hmun ih Biakinn sungih ret mi Don Orione ih lung, rothil khal mangsal in a sim. Hi mi cu Italy Puithiam pakhat a si mi Don Orione le Argentina ram karlak ah a thuk mi pehthlaih nak a um thu tetti a langtertu pakhat a si thu khal a rak sim.
Anetnakah Pope in “Khrih ih duhdawtnak cu maibul lawng ruahnak le mi hnonnak pawl a neh thei” tiah a rak sim bet.
Hi mi cu Vatican thuthang in kan ngan mi a si.
