Vatican Holy See Press Office in Pope ih Latin America ih fehnak ding (Apostolic Journey) caanserh hman daan ding suah. Cui caanserh cu November ni 6-17 tiang tuah a si dingih Pope cu Uruguay, Argentina le Peru ramah a tlawng ding a si.
Pope dinhmun in tuanvo a lak hnu Latin America ah a hmaisabik a tlawnnak a si.Vatican in hi mi khual tlawnnak timtuahnak hlei ah ram tin ciar hrangih hman ding mi logo le motto pawl khal suah a si.
Pope thlen hlan ah Uruguay Bishop pawl in Rome khuapi ah tlawnnak an nei ding a si.
Uruguay – November 6.
Uruguay ah November 6 ni ah Pope Leo XIV a feh dingih Montevideo၊ Paysandú le Florida khuapi pawl khal ah a feh ding a si.
Uruguay tlawnnak hrangih a hril mi thuluu cu ” Nan hnenah a thupi zet mi lungawinak thuthangtha ka rak keng” (I bring you news of great joy) ti mi a si ih hi mi cu Gospel thuthangtha Luka sungin a si.
Uruguay ramah netabik a thlengtu Pope cu St. John Paul II a si ih 1988 kum ih a tlawnta mia si.
Agentina – November 8
November 8 ni ah Pope Leo ih Agentina khual tlawnnak a thok ding a si.
Agentina cu a hlan Pope Francis ih suahnak khua khala si.
Cuiramah Pope cu Buenos Aires၊ Córdoba le Luján khuapi pawl ah a feh ding.
Agentina khual tlawnnak hrangih thuluu hril mi cu ” mitin kha cohlang uh, feh awla thuthangtha phuang uh” ti a si.
(Welcome everyone. Go and proclaim)
Agentina ram ah netabik a tlawngtu Pope cu St.John Paul II a si ih 1987 kumah a rak tlawng.
Peru — November 11
Pope Leo ih Peruvram Tuukhal khual tlawnnak cu Novembet 11 ah a thok dingih a Tuukhal khual tlawnnakih thuluu cu “Kan thinlung sangka ong uh si” ti a si. ( Let us open our hearts.)
Peru ram cu tui tum a Tuukhal khual tlawnsungah ni rei bik a um dingih Pope cu Lima၊ Chiclayo၊ Cuzco le Pucallpa khuapi pawl ah a feh ding a si.
Hi thuthang cu Shalom World news in kan ngan mi a si.
Credit to Shalom World News
