(September 10, 2026)
Miss Universe Brazil 2025 mawinak lam zuamawknak a ngahtu Maria Gabriella in Bawinu Maria upatnak nisunglawi (Nativity of the Virgin Mary) ni September 8 niah laksawng pakhat a rak pek.
Our Lady of Aparecida kha sunloih dingah pearl lungman khung pawl thawn cawimawi mi thuam kha Brazil ramih um mi National Shrine of Aparecida ih Room of Promises ah a rak hlu. Cui puanhruk cu kan dung kum Novenber ah Bangkok khuapi ih tuah mi Miss Universe zuamawknak thuam kha Bawinu Maria zuk a rak hruk ter. Brazil ram ih Our Lady of Aparecida ih zuk zohthim ih tuah mi a si ruangah biaknak lam ah san a nei mi thuam cu ramtin ih ngaihsak le sunloihnak a rak ngah.
Atuah cui thuam cu zumnak thawn a ratu pawl ih hmuh thei dingah a dang thil pawl thawn Aparecida Biakinn pi ah ret ringring ding ih a hlut mi a si.
Catholic biaknak ah hnget zet in a um tu Maria Gabriella cu March thla ihsin a mai ngah mi Miss Universe Brazil ih Lukhuh le liangorh khal biakinn pi ah a rak pek ih cu mi cu nunau mawinak lam ih zuamawk nak ih a ngah mi pawl hrang a lungawinak ih a ram hlu mi a si.
Himi thuthang cu Shalom world news in kan ngah mi a si.
