RVA Falam Service/ September 12, 2026
Zarhtin tlawngkai nithum ni mipi a ton ni (General Audience) ah Pope in Christian pawl cu ziangvek dinhmun kan si khal le minung sinak humhim in upat kilkhawi dingah khawh tu kan si thu a rak sim.
Minung ih sinak cu Pathian ih a siat thei lo mi duhdawtnak thawn in pek mi laksawng a si ruangah a si.
“Hi mi hi Gospel thuthangtha ih tleunak le thapeknak thawn kan tuah ding mi a si”tiah Pope Leo in pehbet in a rak sim mi a si. Cuini ah Pope cu aveihnihnak Vatican council in 1965 kum ih suah mi Gaudium et Spes capi kha hrambun in a rak sim. Cuihleiah a hrampi a si mi minung covo pawl nganhngetnak cu minung thuanthuah a thupi bik mi nehnak sungah pakhat a si tin khal a rak sum.
Mitin ih covo le sinak kha humhimnak, mipakhat ciar ih sinak thokin sinak humhim nakah Pawlpi (Kawhhran) ih tuanvo kha thupit nak si phah in Pope in mizo khal Pathian in
mah le midang pawl le sersiam mi khawvel thawn komkhawm in nung dingah tumtah in a rak sersiam mi a si tiah a rak sim.
Hi mi hmuhnak cu Pope ih capi Magnifica Humanitas ah a langter mi thawn khal a rak mil aw.
Cuihleiah tuisan ah minung ih sinak kha famkim zet ih langsuah ternak kha a donkham laitu hlan lai le santhar dokalh nak pawl a um lai thu khal ralrinnak a rak pe.
Minung ih sinak cu thiamnak lole lennak parah a hngataw lo, minungih sinak cu a mai thilti theinak, lennak, famkimnak, nunphung sinak a niam le sang a silole hnatuan sannak parah a um lo thu Pope in fiangzetin a rak sim.
Cuitlunah mipakhat in a hman ih a dik mi lole a hmanlo mi hrilnak tuahnak pawl par khal ah sinak cu a hngat aw lo.
Angaingai ah cun minungih sinak cu minung pakhat ciar an suah hlan ihsin Pathian a rak pek mi laksawng a si ih mining pakhat ciar hnakih luandeuh in a um ringring mi a siat lo mi duhdawtnak lang ternak a si.
Pope in pehbet in minung ih sinak cu netabikah milai kha Pathian hmuihmel vekin kaih in sersiamnak ah hram a bun tiah a rak sim.
Cuihleiah Khrih in minung cu a mah le mah a thei ter ih minungih a sunglawi mi kawhnak kha langternak in mining sinak ih a dengkor a si mi a hrampi kha a langter a si tiah Pope Leo XIV in a rak sim.
September 10, 2026
