September 10, 2026/ RVA Falam Service
Pope Leo XIV cu Genazzano ih Good Counsel Bawinui biakinnah missa raithawinak a rak tuah ih Bawinu ih daitei um theinak thazaang kha zohthim in remdaihnak ih sal cang thei dingah zumtu pawl a rak sawm a si.
Bawinu Maria suahni puaini a kim hlan a mi zaanah Pope cu a Puithiam nun, Augustinian Kaing (သြဂတ်စတီနီယန်ဂိုဏ်း) ih hotu a tuan lai ihsi thokin a nunram lamtluan ih thukzet ih a ngainat mi Rome khuapi nisuahnak lamih Augustinian Bawinui biakinn ah a rak tluang sal a si.
Thuthangtha simnak ah Pope Leo in Bawinu ih daiten umnak le rundamnak thuhla ah Bawinu ih thupit nak cu a thuai lam vekin a rak sim.
Thlengawk ter tu daitei umnak
Bawinu Maria ih tlanleng daan thu Bible ah malte lawng ngan a si konan Bawinu ih tlaitluan nak cun thuanthu a hnin ter a si. Bawinu ah kan mah thawi um mi Pathian ih rundamnak hrangih beunak a um asi.
Pathian ih tangdornak lamzin
Pathian ih lamzin cu a tlaitluang ih daite a si konan huham a tel ih thleng awk theinak cu a mal cuang lo a si tin a sim ih leitlun daan le cathianghlim ih tangdornak kha a rak tahthim a si.
Ruahnak aiih nasa Cathianghlim
Daizir ziar ih thlacamnak cu Bawinu ih thluasuah kha thinlung sungah in ruah ter thei ih awlok song caanah Pathian ih thiltuahmi kha cathianghlim in theithiam theinak in pe thei a si.
Remdaihnak hrangih forhfialnak
Remdaihnak cu kan sungah thang hramseh tin Pope Leo in a rak forhfial ih remdaihnak cu leitlun ah a par suak leh ding. Good Counsel Bawinu khal Pathian thusimnak hnatuan ah kan hnenah in um pi ding a si.
Hi caanserh cingkeng nak hrangah a thianghlim mi Good Counsel Bawinu zuk hmaiih Pope Leo ih thla a cam lai zuk cu Bawinui Biakinn ah an rak lang ter a si. Kan thinlung, innsungsang pawl thawn leitlun ah remdaihnak a um theinak dingah Pope thawn thlacam cio uhsi.
Himi thuthang cu Vatican thuthang ihsin kan ngah mi a si.
Crd: Vatican News & RVA Myanmar Service
07 September 2026
