Vatican ih lekthiam pawl cu Mediterranean lehnak ih tel ding in an timtuah rero lai ah, Poe Leo cun Italy ram thlang lam ih an tuah mi lehpannak cu “daihnak le unau pawlkomnak ti mi simcianak” a si tin a sim.
Vatican ih lehpan thiam mi pali in a vei 20 nak Mediterranean Lehpannak ah an tel ding. Cu mi lehpannak cu August 21 ihsin September 3 tiang a si ding ih thlang lam Italy ram ih Taranto khuapi ah an tuah ding. Ram 26 ihsin lekthiam mi 4000 hrawng in lehpannak phun 33 in zuamawknak ah an tel ding.
Hi puai a thlen hlan te Pope Leo in kum 2026 ih Mediterranean Lehpannak cun lei tlun ah daih nak le tonkhawmnak a lang ter ding tin zumnak ka nei tin a sim.
Pope Leo ih a sim theu mi cu, Lehzuamawknak timi cu a lek tu pawl in pakhat le pakhat a bang aw mi minung innsang ihsin ra kan si ti theithiam in an ton awk thei tik ah cui lehnak ih a sullam thuk danzia kha a lang fiang a si. Lehpannak ni khatnak ah Taranto ih Archbishop Ciro Miniero in Cathedral biakiin pi ah Missa raithawinak a tuah ding ih, Nunphung le Fimthiamzirnak tlangsuak tuantu Bishop Tighe in lehpannak lam pawl ih Thinglamtah an put mi a cohlang ding.
Thuthang ca ih a sim vek a si le, cui thinglamtah cu 2012 kum ih London Olympic le kut le ke kim lo pawl ih Olympic an rak tuah hnu ihsin, leitlunhuap lehpannak puai ih a lek tu pawl thawn an rak thlun vek in, hi an leh can sung hmuahhmuah thlarau lam nun hmuh tu a si ti dusannak ah Biak innpi ah an ret ding.
Archbishop Miniero cun “lehpannakcu mithiam pawl, leh huam tu pawl, nauhak pawl tel in zatlang danglamnak pawl hlohsan in unau pawl komkhawm thei nak ding ah a tangkai zet mi caantha a si tiah a ti. Cun “ralbuainak le nikhua thatlonak ruang ah leitlun ih harsatnak kan tuar rero laiah, remdaihnak a cang thei ti langter nak caantha kan nei,” tin a ti. Cui hlei ah lehpannak ih teltu pawl cu an suahnak hmun a silole an zumnak hnak in thinlung tak te in u le nau sinak nei thei ding in a hmuh sak thei a si,” tin a ti.
Cardinal Jose Tolentino cun milektu pawl ih thinglam tah cu “tongkam nei lo thucah” tiah a ko. Cun, thlan le harsatnak tuar ih um hman seh, nunnak cun duhdawtnak le upat nak cu a co tlak hrimhrim a si tin a ti.
Hi thuthang cu Vatican news ihsin kan lak mi a si.
