Jesuh ih tipilnak kum 2000 a kim hlan te ah tualsung mi pawl le biaknak lam hotu pawl cu Jordan ah an tongkhawm aw ih himi puai tuahnak ding hrang timtuahnak an thok.

2030 kum Jordan ram AI-Maghtas ti mi hmun ah, tipilhtu Johan in Jesuh ti a pilhnak ni kum 2000 a kimnak puai an tuah ding. August ni 10 ni ah, Jordanian Prime Minister Jafar Hassan August cun hi puai tuah nak ding hrang ih thurelkhawmnak cu a mah in a hruai. Hi meeting tuah nak ah tualsung lam ih aiawh tu, biaknak lam aiawh in upapawl le cozah lam ih upa pawl tla an tel. 

Tonkhawmnak ah Hassan cun Jordan ih Kawhhran hruai tu upa pawl ih hmalaknak pawl bawmding ah Siangpahrang Abdullah ih thupek vek in zamrang ten timtuahnak tuah a tul tin a sim. Jesuh Khrih ih tipilnak kum 2000 kimnak puai tuah mi cun Jordan ih santhuanthu le biaknak lam dinhmun le leitlun Christian pawl ih Pathian thuzawh tlawn nak hmunpi a si zia kha a lang ter. Cun Siangpahrang bawipai thucah mi vek in, hmunkhat ten umtlangtheinak ding ah  midang upatnak, daihnak, duhdawtnak le unau sinak pawl khal a tar lang a si.

Hassan cun himi puai tuah nak ding hrang ah a cozah in a cangthei mi thilri hmuahhmuah kan tuah sak rero tin a sim. Himi puai tuahnak cun Jordan ram cu biaknak lam ih rosunglawi  hmun a si zia le Christian pawl ih Pathian thuzawhnak hmun pi a si ti a lang ter sinsin.

Hi tonkhawmawknak ah Christian khualtlawng pawl le mikhual dang hrang ih pumkhawmnak khua, Jesuh Khrih tipilnak hmun ih an sak mi Ro innpi(museum), Jordan kiangkap hringdidel ten tuah theinak ding tin tumtah nak an tuah mi pawl kha zohhliahnak an tuah.

Tonkhawmnak ih a tel tu pawl cun a thupi zet mi tikcu caan thawn pehpar aw in, thiamsang tuanvo nei tu pawl ih bawmnak thawn a dang tuanvo neitu pwlkom khal din ding in an rel.

Hi mi committee sung ah Biaknak lam ih hotu upa bik pawl le Jordan ram ih tuanvo nei tu ho tu pawl an tel.

Hi thuthang cu Vatican news sung ihsin kan ngah mi a si.