Pope Leo XIV ih vei ngahnak a tuukhal khualtlawnnak ding program an suah zo. France ram ih
khuapi pali pawl Paris, Saint-Denis, Lourdes le Metz ah a tlawng ding. France ram ah Pope
Francis in tum thum a tlawng dah nan, rampi theihpitnak ih tlawng a rak a si lo. Pope Benedict
XVI in 2008 kum ah a rak tlawn hnu a vei khat nak Pope Leo in rampihuap theihpitnak Tuukhal
khualtlawnnak a si.
September 25: Rome ihsin Paris ah
Tlawngkai ni5 ni zinglam 7:50 am ah Rome ihsin a pok ding ih nazi 10am ah Paris a thleng ding.
Hmuahnak caanserh an hman hnu ah President Emanuel Macron thawn Élysée innpi ah an tong
aw ding. Cuhnu ah, ramkhelh upa pawl, khuatlang pawl le tuanvo nei tu palai hnen ah thu sim
nak a nei ding. Sunhnuah, UNESCO headquarter ah thusimnak a nei sal ding.
Zanlam ah siangbawi pawl le thukam pathum nei Pathian hnatuan tu sister, brother le siang bawi
pawl thawn Notre-Dame Cathedral Biakinn pi ah thlacam khawm nak le thusim nak can a nei
ding.
Pope Leo cun a nikhatnak can netnak ah, France ram ih Stade de France ih Saint-Denis ah mino
pawl thawn thlacamkhawmnak in caan a hmang ding.
September26: Paris le Lourdes
A Nihnihnak cu, Paris Archdiocese ih an phon mi mibomnak le komkhawmawknak
Maison Bakhita Center ti mi ah a va veh ding. Kum 2021 September thla ih an on mi hi
center cu ramdang mi pawl hrang ah a hngetkhoh zet mi le a tharhlam zet mi bawmnak
le a dang bawmnak program pawl peknak hmun a si.
Hi mi project (hnatuan) cu 2017 kum February ih “Pope Francis in ramdang mi pawl
ngaihsak, humhim ding le komkhawm ding” ih a sawmnak ihsin a thok. Cumi cu,
“Dingfelnak, nunphung le tanrualnak asi” tiah a ti.
Cu theh in, Pope Leo cun ramthen synodal upa pawl , Pathianthuzirhtu pawl le upa
tipilnak a ngah pek tu pawl thawn Paris ih Catholic University ah an tong aw ding.
Lourdes ih a feh hlan te ah, Condorde hmunpi ah Missa raithawinak thawn a caan cu a
khar ding. Lourdes a thlen hnuah, Bawinu Mary ih langnak a hmuhnak hmun
Massabielle lungkua le Lourdes Mary Biakinn ah thlacamnak a nei ding.
September 27: Lourdes
Lourdes ih a um hmaisabik nikhatnak ah, Pope Leo cun Lourdes Nu Mary Biakinn pi ih
St. Bernadette Hall khan ah French Bishop pawl thawn thusim nak a nei ding ih Mass
khal an hmang cih ding.
Cui hnu ah, Accueile Notre Dame ih hnatuan tu pawl le midam lo pawl a tong
khawmding ih cibai buknak khal a nei ding.
Cu theh in, Lourdes Carmelite Monastery ih um sisters pawl thawn bulpak in an tong aw
ding. Zaan ah phazawngdai vangphah in Rosary thlacam lenpitnak in an bang ding.
September 28: Lourdes, Metz. Rome
A ni netabikah, Metz ah Biaknak phunphun pawl thawn tonawknak le “Robert Schuman”
Conference Center ih “ remdaihnak le rualremnak hrang ah Europe ih hramtohnak” ti mi
thurelkhawmnak ah a tel ve ding.
Cule St. Stephen Cathedral ah Missa raithawinak a nei ding. Hi mi Neo-Gothic Biakinn
pi cu mitam sawn cun “Pahian ih mei- inn” tin an thei, meter 6,500 hnak ih tam thlalang
sangkate a neih ruag ah a hmin a thang zet. Cu theh in Rome ah a tlung sal ding.
Hi thuthang cu Vatican news ihsin kan lak mi a si.
