Africa ih Kawhhran cu zumnak lam ah thansonak tampi a hmu ko nan harsatnak tam pi a nei tu khal a si. (Pastoral) Pathian hnatuan nak lam khal ah duhvek in an cang theih lo. Cumi ruang ah US Catholic Bishops Conference (USCCB) in Africa ih kawhhran bawmnak pe thei ding in lungrual te in sumpai khawlkhawmnak an tuah. Hi ti an tuahnak ruang ah Pope Leo thawn kom aw in Africa ih Kawhhran hrang ah bawm thei nak caan tha an nei tlang thei.
2016 kum April thla ni 13-23 tiang Pope Leo ih a khualtlawnnak ah, US Bishops pawl in Pope Leo thawn hmunkhat te in Africa ih Kawhhran hrang ah dolar tan 3 hrawng bawmnak kan pe thei tin US Catholic pawlpi hnen ah theiternak an nei.
USSCB thawn pehtlaih awknak nei tu Africa ih Archbishop Thomas Zinkula cun, hi mi US Catholic pawlpi ih bawmnak laksawng in pek mi cu “remdaihnak hrang ih hnatuan nak, a dang Pathian hnatuannak, kiangkap kilkhawi nak ding hrang ah thu zirhnak, hotu tha si thei nak ding hrang ah thuzirhnak tivek a phun phun ah kan hmang,” tin a sim.
Cun,“Kei ka thlacam mi cu, Pope ih dilnak vek in Africa ah remdaihnak le rualremawknak a um thei nak ding hrang ih kan tuah mi par ah hi bawmnak laksawng khal thang sinsin thei ding in le, cuih bawmnak khal felzet, fimkhur zet in le thaten a hmandan kan thiam thei nak ding ah ti mi hi a si,” tin Bishop Zinkula in a sim.
Himi thuthang cu Vatican thuthang in kan don mi a si.
