Pope Leo in a veihnihnak Lamego khuapi ah “Lawm uh ti mi – National Youth Day Mino puai” meeting ih teltu Portuguese mino pawl hnen ah daiten umthei lo ih nan umnak hin  Pathian thawn naihawknak ah hmang thiam ding in le nan saduhthah mi le nan thusuh duh bik mi khal Pathian hmai ah ret ding in video call thawn thazang peknak a nei.

July ni 26, 2026 ih mino puai ni ih teltu pawl hnen ah Pope Leo in hitin a sim, “na thinlung sung ih daihnak na ton thei lo mi kha tih hlah. Cu mi cun, Khrih thawn nan naih awk thei nak ding ah le Thuthangtha ih manmual phuang tu si ding ah thazang lo pe hram seh.   Jesuh tongkam ah hngetkhoh zet in um thei tu, nitin Bible ca siarthei tu, U le Nau sinak thinlung thawn remdaihnak hmun khuar thei tu si ding ih nan sunmang khal bang hrimhrim hlah uh. Mangbang zet ih leitlun nun nan zoh mi le ruahsannak thawn nan hmailam nun khuasak ding ti pawl khal colhlah uh” tin a sim.

“Duhdawt mi mino pawl, ziangvek thil le mi zo vek khal in nan ruahsannak cu lo fir hlah seh!” cun, “Lamego ah nuamzet in nan tonkhawm nak can cu hmang uh!  Hmai kum 2027 August thla le Seoul Khuapi ah kan tong aw ding,” tin Video call in a sim. 

Thianghlim ten um ding le Pathain thawn komawk ding

Cun mi no pawl “hmai nor sinsin uh,” tin tha a pek. “thinlung vakvai” ih um hi mino dan a si ti tla ka theithiam ko. Minung nunnak ih ton theimi harsatnak pawl thil thupi bik mi hi ziang a si ti ruat thei ding in Pathian hnen ah daidim ten thlacam nak nei ding in a sawm.

Hi leitlun le Kawhhran hrang ah ziang tuah ding i duh sak? Na hnathiang tuan tu ding in Siang bawi maw lo le Sister maw? A silole Innsang thiang din ding in maw I kawh ti pawl kha a thu pi zet mi Pathian hnen ih nan suh ding mi a si tin, Pope in a sim.  

Himi thuthang cu Vatican news in kan don mi a si.