leitlunhuap Catholic Sister pawl aiawh tu upa pawl le siangpahgrang nu cu Clarence House ah tonawknak an nei. Sister pawl in mi tontaideuh mi nunau pawl, minung sumdawnnak, ralbuainak le tikcuthlengnak ruang ih harsatnak a tuar tu pawl hrang ah ziang tivek in kilhimnak le bawmnak an pe ti pawl an hmuhton mi thuhla an sim. Hi mi tonawknak hi Siangpahrang Charles le a nu pi in Pope Leo an va ton kumhrek rei hnu ah a vei khat nak leitluhuap Sister upa pawl in England ah an va tlawn nak a si. Hi an ton awknak ah, British Embassy le leitlunhuap Sister pawl in Holy See ih minung dinhmun thansonak le pacang zet ih umthei ding in hmalaknak an tuah mi ah theitawk in an bawm rero ti thu an tarlang.
British Embassy ih tuanvo nei tu Dr Anabel Inge cun hi tonawk nak hi “a hleice cuang, lungawi za caan sunglawi khal a si,” cu le Queen Camilla khal cun hi mi Pathian hnatuantu Sister pawl ih hnatuan mi hi a lawm nasa tin a sim.
(UISG) leitlun huap Sister upa pawl thawn hnatuan tlang tu Dr. Anabel in, Sister pawl ih daiten le raltha zet ih tetti an khan kha a lawm. “Sister pawl cu mi ih sunglawi zet ih lawmnak pek lo mi an si nan, hi leitlun ih a harnak bik hmun ah, tangdor zet le daizirziar ten hna tuan tu an si,” ti cu keimah mithmuh rori a si tiah a sim. Cun khawtlang sung ih “rinsanawknak, umpinak le pehzomnak,” thawn an hnatuan thei dan zia pawl tla a rel.
Profet vek ih umdan
UISG Secretary Sr. Roxanne Schares in, Pathian hnatuan Sisters thawngtampi cu, harsarnak tuartu, umnak hmun nei lo, ral lak ih um minung tampi hrang ih an hnatuan pi mi thu pawl sim nak cantha a si tin a sim. “kan ni sister pawl cu an hnatuannak hmunkip ah mipi pawl thawn an um ringring, University ah siseh, Kindergarten ah siseh, zatlanghnatuan nak ah siseh, pastoral (pathian lam hnatuan nak) ah siseh , mipi in sister pawl ih um nak thawng in hnangam nak, bawmnak, ralthatnak thazang an ngah a si tin a sim.”
Minung zuar ih sumdawnnak kham ding ah hruai tu mino pawl
Sr. Abby Avelino in, “tleirawl pawl cu online ih bumawknak in a neh tuk,” tin a sim, curuangah Talitha Kum in tleirawl upa pawl “minung zuar ih sumdawnnak kham theitu palai (Ambassadors) si thei ding in,” thu zirhnak kan pek rero tin a sim.
Himi program cu Asia ram pawl ah Vatican le British Embassy pawl ih bawm nak thawn kan thok ih leitlun huap ah a karhzai vivo. Tleirawl pawl cu Awnmawi le thlengawknak ih cangvaihtu ah an cang tin Sr. Abby in a sim.
Himi thuthang cu Vatican news in kan don mi a si.
