Laudato Si’ no. 16

Hi mi capi ih a thuhla tin in thu pakhat tin hrangah bangaw lo in alang ter. Capi hmailam ih a lang ter vekin a thupi mi thusuh nak an tuah sal mi khal kan hmu thei asi.

Capi siar caan ah kan hmuh sal mi cu a thlun lam ih sim zo mi thu kha tu le tu kan hmu thei asi. Tahthim nak ih kan sim sile farah harsat nak, mah te um mi kiangkap siatsuah nak dinhmun pawl kha a sung lam thu taktak in an pehpar awk thu, leitlun ih a um mi nun nak a nei mi pawl tin in pakhat le pakhat an pehpar awk thluh thu, santhar daan le thuneih nak phunphun thu le a relsia tu pawl cu theihkau nak lam ih thanso nak ah mi an tam thu, sumdawn nak le thanso nak thu pawl theithiam ding in a dang tidaan pawl hawl a tul thu sawm nak, Nunnak nei mi tin in manhlat ding.

Kiangkap kilhim nak thu kha mi pawl thawn an pehpar awk thu kha a phi hawl phah in, fiangfai le fimkhur tak in reltlan nak pawl a tul thu, Khualam le leitlun thawn pehpar ih tuah ding mi a tummi tuanvo neih nak, hlon nak, zirh nak tuah mi tidaan le minung um dan ding thar hrangah ruah nak pek nak thu, lang ter nak pawl kha tu le tu kan hmu thei asi. Hih thusuh nak pawl ih a phi hawl nak cu voikhat nak ah lang ter cih si lo in hmuhdaan phunphun in lang ter nak, famkim sinsin dingin lang ter nak pawl kha tu le tu kan hmu thei asi.