A ralai ding mi July 20-26 tiang Jakarta ah Asia Bishop pawl a vei 12 nak tonkhawm awknak an tuah ding. Cu mi hrang ah Pope in a cakuat mi sung ah hi tin a cah; tui kan san ih kan tuah ding mi thil ruang ah kutbal ding tla tih loin, ziangtinkim ah Pathian cu kan laimu ah kan ret ding, cule kan thutluk nak ih a laimu bik ah minung hi kan ret ding, tiah a forhfial.
Mi farah, mivai pawl, mi damlo pawl cu “a thahnem bik mi Lungto” vek an si.
Pope Leo on Psalm 85 sung ta thawn pehpar aw in, hi tin a ngan; “ santlai lo ti ih an hnon mi lungto – mifarah, mivai pawl, mi damlo pawl, mi nauta pawl cu- a thahnem bik mi lungto ah an cang, cu le leilung tlun ah a cak mi le a cohlang mi inn pakhat a um ding cutawk ah duhdawtnak le thutak cu an tong aw ding ih, diknak le daihnak khal an um ding,” tiah Pope in a sim.
Curuang ah tuukhal le pa ih thinlung duhnak thawn Pope cun, mi hmuahhmuah hnenah “ a dang Babel sak hi cawl uh la, a tha mi thil dang tuahding ah tangrual uh, cuticun, minung in a mawi nak a hlo ter dah lo ding ih, Pathian in minung thinlung sung ih a um duh nak kha leitlun mi in an hmusuaksal ding,”tin a sim.
