Agentina ih Catholic pawlpi cun, hi leitlun huap ih bawhlung puai an tuah mi par ah, hi tivek ih online thap awknak (lawngkasa) hi a roh sinsin ih ruang ah an thin a bang ngaingai. A tam sawn cu nauhak le mino pawl an si fawn tiah an sim. 

Pope Leo XIV ih meeting sawmnak ih tel tu Cardinal Angelo Rossi cun, cui tawnkhawmawknak  ihsin a ratlun veten hmaiton thusuhnak a tuah mi ah “leilung pi ih auaw” hi ngaisak a tul zia thu a sim.

Hi mi thusuhnak ah mino pawl thuhla a sim, tui san mino pawl hi “rittheih sii, le ritthei sii zuarnak, a si lole thapawknak le paisakhawlnak tuahtu pawl ih sa l(milai) ah an cang.

“Bawhlung kawl ziat anthun thei ding ti le corner veiziat an sit ding ti mi ruah hnak in an thapawk mi an sung pang pei maw ti ruat in thing bang ih um nauhak le mino an tam sawn ti an hmuh tik ah riasiat za ngaingai a si tin,” a sim. Hitivek ih paisa thapawknak tuah hi innsang hrang khal ah tihnung za a si, tiah a ti.

Red cross pawl ih an sim dan vek a sile,  himi online hmang in paisa thapawknak a tuahtu  nauhak zatek 83 sung ah, mi pahra sung ah pa 6 in an tuah mi hi daan thawn a kalh aw maw kalh aw lo ti hman an thei lo tiah an sim.

Cuhlei ah, mitamsawn cu tlangzarhnak(cawngia) ruang ah hitivek ih paisathap awk nak ih an luhnak a si  tin, Bishop Braida in a si. FIFA hotu pawl cun , zuamawknak hmun hi thapawknak tuah tu pawl ih tlangzarh nak kha an hnong theh ko nan, Agentina ah cun, tu le tu tlangzarhnak an tuah rero. Bishop Braida cun, thunei tu pawl in “hi ti vek zuamawknak lam hrang ah thlengawknak pakhat khat tuah sakthei ding in” a sawm. Cu le nu le pa pawl, tlawng saya pawl, Pathian thuzirh tu pawl, parish sung um zaten kiangkap thanso nak ding hrang ah bawmaw ding in le thurelkhawm nak tuah ding in a dil.

Tu laitak ah, “paisa thapawk nak hmun pi hi khuapi sung lawng ah um nawn lo in mino pawl ih zaldip sung ah a um thlang” tin Bishop Braida in riahsia zet in a sim.

Hi thuthang cu EWTN news sung ihsin ngan mi a si.