Pope Leo XIV in kan zonzaihnak cu Khrih a mah rori in a lak ih hi leitlun ih a um mi thatlonak pawl nehthei tu khal a si. “Pathian ih fimnak cu tangdornak thawn minung cannak a lak nak in a lang ter a si,” a ti.
Jesu Khrih lawng in kan harsatnak le phurit pawl a zangter thei tu a si. A sinan, tangdornak lawng ah a duhdawtnak kha hmuhtheih a si, tin Angelus thlacamnak ih ratel tu mipi pawl hnen ah a sim.
“sal sinak ah Khrih cu luatnak a si. Ralbuai ih hremnak tonnak hmun ah, Khrih cu ruahsannak a si. Sual caan ah, Khrih cu ngaidamnak a si,” tin Pope in a sim.
“A hmin in dungthluntu pawl vek ih rualrem zet ih fehtlang duhnak kan nei mi hi lamhman le fimnak diktak a si. Jesu in Fapa a sinak thawng in unau kan si ti mi in zirh. Thiangthlarau ih thawmhuham in, a dikmi Pathian a sinak le minug a sinak kha Pawlpi hnenah a lang ter.”
Jesu cun sualnak ruang ih hliamhma tuarnak cu a mah rori in a la
Pope Leo in kan phurrit phur ding ah a zang ih a ol tla a ol ziang ruangah ti le, Bawipa a mah rori in in phurh pi ih, kan mah lawng phur ding ah in tan siangdah lo.” tin a sim.
“Saya diktak a sinak in, sualnak ruangih hliamhma a tuar mi pawl damter ding le tuamhlawm ding a duh ruang ah Jesu a mah rori in minung sinak a lak ,” tin Pope in a sim bet.
Khrih hnen ih sin kan ngah mi fmnak cu “ rundamnak phuangsuak hi a si” , cu le a kawn in kan tlaknak hmuahhmuah ihsin in kaitho/dinter,” tiah Mt 11;11, 25-30 sung ta la in a sim .
“Curuangah, Khrih dungthlun ding ih kan khualtawnnak cu ningzakza a si hrimhrim lo. Cu hnakin, san thuanthu ih cangvaihnak kha thungai thlak in ruah nak hmun pi le a sullam pawl kha thaten fiang ter tu a si sawn , a hlei ce in a thimbik caan ah tleunak hmuh tu a si,” tiah a sim. Curuangah, “Jesu ih thinglamtah lawng in sualnak a neh: Jesu ih harsatnak lawng in kan lungretheih nak, beidonnak pawl a hnem thei, a run thei,” ti kha Pope in fiang zet in a sim.
Pathian ih zirhmi cu harsatnak a tuartu pawl hmuahhmuah hrang ah a si.
A sinan, Khrih ih duhdawtnak theithiam ding ah tangdornak neih a tul tin Pope Leo in a ti. Tui ni gospel sung ah,” Jesu cun amah thawn a Pa thangthat ding ah in sawm,” a si. “ hi vek ih thinlung thiang te ih lungawi nak hmuhthei cu Pathian in ziang tluk in a duh ti kha, “ mi fim le mithiam pawl hmaiah a thupawk lai ah, nauhak pawl hnen ah cun a mah le mah a phohlang aw a si,” ti mi cathianghlim sung ih sin kan hmu thei tiah Pope Leo in a sim.
“An mai ruahnak lawng in an khah tuk ruang ah, a milai pawl ratlawng ding ih a ra tu Messiah, Khrih an hmai ih a um hman an thei thiam lo,” ti kha Pope in a khihhmuh. Cu ruang ah minung fimnak cu hngalnak ah a cang ih, thurin cu hngalnak ah a tum suk.
“Cumi kalh aw in, Pathian fimnak diktak cu tangdornak thawn minung cannak a laknak ah langter asi ih, a thuzirhnak cu a hleice in harsatnaka tuartu pawl hnen ah a lang ter: phurrit a phur mi le rethei mi pawl ka hnenah ra uh,” tin Jesu a ti mi a sim bet.
“Jesu hnen ih feh ti mi cu, thinglamtah tiang phur in, a duhdawtnak le a hringnun ah tel ve tu ding si kha a si” tiah Pope in a ti.
Himi thuthang cu Vatican news sung ta a si.
