Caracas Parish Siangbawi Fr. Luis Garcia in Minung tampi cun inn ah um ngam lo in an um. Pope Leo ih thlacam saknak le a tha peknak awkam te kan theih ih  thazaang tampi kan ngah tin a sim.

“Caracas khal ah June 29 ni ih a nawn ih ling a hnin ruangah minung tampi cu thinphan nakin kan khat. June 24 ni La Guaira ih nasatak ih linghnin ruang ih minung 1400 lai rori an nunnak a cem timi kan thinlung sungah a caam.  Khatlam ah himi boruak hi vun zoh tikah, tihnungza  ngaingai a si. 1999 kum ih leimin kan ton mi hnakin mithi an tam sawn a si.

Hitawk Caracas ih um mitam pi khal cun, mai inn ah um ngam lo in hmun dang ah tlanmi tam pi an um. Mihrek cu an nunnak cem, zohman ih tuarpi thei lo tluk in kan tuar tin a sim.

Khatlam ahcun, “kanni Catholic pawlpi lam khalin cu tithei tawkin kan tang ve. Hi ti vek ih harsatnak  kan ton mi hi kan mai hrang ah synodality ti mi kan nunah kan neihthei nak ding ah lam in hmuh tutla a si tin ka ruat  ih, tui Ruahsannak Jubilee kum kan tuah mi tla hi man a nei zet ding tin ka zum”tiah Fr. Luis Garcia in a sim. 

Himi thuthang cu Vatincan Thuthang in kan don mi a si.