Thianghlim Bawinu Maria cu ziangruangah a rong a Pawl ( အပြာရောင်) mepian puan thawn langter a si theu? (May 31, 2026)
A Pawlrongih a san
Theih kauhnakah,
Catholic zuk suai thiam pawl in Pathian zuk pawl, zuk thianghlim pawl le biaknak lam zuk pawl ah Maria ih puanhruk mi ah a pawlrong in an langter nak pawl na rak ruat dah maw ?
Ziangruangah a sen, a hring lole asendup pawl silo in a pawl rong asi? Bawinu Maria cu Leitlunah a damlaiah a pawl zawng a rak hru dah maw? Cuihleiah ziangah hi mi zawng cu Bawinu Maria thawn a rak pehtlaih aw?
Bawinu Maria ih hruk mi zuk cu a mawi le a kaih ti ih hril mi men lawng a rak silo. Kumzabi tampi lamtluanah Catholic Pawlpi ih zum mi Bawinu Maria thawn pehpar mi a thupi mi thu hman pawl in a rung suak mi asi.
- A Pawl zawng lole a mepian zawng cu Van thawn a pehpar mi zawng lole rong a si. Maria cu Pathian ih Nu ih hril a siruangah zuksuai thiam pawl in a pawl zawng an hmang ih Pathian le Bawinu Maria ih an naih niam awk le ruundamnak thu ah a tel nak thu kha an langter a si. Hi zawngin Bawinu ih nunram cu vancung lam thawn pehpar in a khihhmuh thu in mangter a si.
- A pawlzawng lole mepian in thianhlimnak kha a aiawh. Catholic Pawlpi in Bawinu Maria cu a thianghlim ih Pathian ih thu famkim zetin a rak ngai ih a nunpi tu a si tiah zum a si. Curuangah a Paul zawng cu Bawinu Maria ih thianhlimnak, rinumnak le a apawknak pawl in mangter tu hminsinnak si.
- Middle age sanlai ah a pawl zawng sii mawi ternak cu a mankhung zet mi a zawng a rak si. Cu mi cu lapis lazuli ti kawh mi thil mankung ih sin suak mi a si ih Siangpahrang pawl le mi upa sinak nei pawl hrang lawngih hman mi a si. Curuangah zukmoih thiam pawl in Bawinu Maria ih a lamdang hleice mi sinak sumloih dingah hi thilman khung a Pawl zawng kha an rak hmannak a si.
- Apawl zawng lole mepian zawng cu remdaihnak le thindaihnak khal a aiawh a si. Catholic ah Maria cu zumtu pawl hrangah hnemnak mi a petu, Nui duhdawtnak famkim in a neitu dinhmun ah hmuh a si. Curuangah Bawinu Maria ih a pawl lole a mepiang zawng hruk mi cu
- Humhimnak
- Remdaihnak
- Zaangfah lainatnak
- Nui duhdawtnak pawl ih hminsinnak an si.
5.Hlanlai Christian zuksuai thiam pawl cu thuanthu vek ngaingai silo in hminsinnakah an rak hmang theu. An mai tumtahnak cu Maria in ziang mi vek rong lole a zawng a rak hruk ti mi langter dingah silo in Bawinu ih tuanvo le a tha mi sinak pawl kha zirh dingah a si.
6. Athlam an suainak tampi ah Maria cu a sunglam ah a sen ih a lenglamah a pawl lole mepian zawng hruk mi zuk kha hmuh a si. Zuksuai thiam pawl in
- Apawl lole a mepian cu minung nunram dinhmun
- A sen cu Pathian ih thlawhsuah dinhmun kha an rak aiawh ter. Hi mi pahnih komawknak in Maria ih a lamdang hleice mi thil ti theinak kha a langter.
7. Bawinu Maria naih in bennak cu kumzabi tampi ah a rak karhzai vekin a mepian zawng cu Christian dinhmun ah mi tampi in an rak cohlang. Netalamah leitlun pumpi Catholic pawl in mepian lole a pawlzawng kha hmuh a si veten Bawinu Maria kha man a si theu.
8. Cathiangthinghlim ah Bawinu Maria cu a mepian zawng lole a pawl zawng a rak hruk ti mi a um lo. Asinan Bible cathianghlim in Bawinu Maria ih a telnak kha thupit in a rak langter.
“Thlawhsuahnak thawn a famkimtu, nang cu mithlawsuak na si. Pathian cu na hnenah a um asi. (Lk 1: 28) tin Vancung mi in cibai a rak buknak a si.
9. Pawlpi in Maria in a pawl zawng lole Mepian zawng a ngaingai in a rak hruk dah ti mi cu zumnak pakkhat a silo. A pawl zawng lole a mepian zawng an hruk ter mi cu Christian pawl ih apnak le biaknak lam ih zuksuai thiam pawl hnenih a suak mi a mawi mi hminsinnak pakhat lawng a si.
Acemnakah Maria ih a mepian hruk mi puan cu Maria ih
- Maria ih thianhlimnak
- A thianhlimnak
- Vancung thawn nainiamawknak
- A siinak
- Remdaihnak
- Jesuh ih Nu dinhmun in a lamdang hleice ih telnak pawl kha a aiawh ruangah mitampi ih rak thei nak a si.
Atawizawng ih kan sim a sile Maria ih a mepian puan hruk mi langternak cu Bawinu Maria ih thianhlimnak, Vancung thawn a naih niamawknak, Pathian ih rundamnak thuanthu ah a tel mi a hleice mi dinhmun ih hminsinnak a si ruangah a si.
Source-Catholic Dailies
