Pope Leo in Ukraine ramah kan dung naite ih dotuarnak a luar ruangah nasa tak in mawhthluk. May 27, 2026.
RVA Falam Service, May 27, 2026.
Tlawngkai nithum ni mipi aton ni caanserh ah Pope Leo XIV in Russia ih a netabik a do hnuah Ukraine hrang remdaihnak hrang a rak dil. Pope in raldonak cu buainak pawl kha a dai ter thei lo ih tamdeuh in a luar ter thu thupit in a rak sim. Missiles le drone’s pawl a tlaknak hmuntinah ruahsan nak pawl a rak siat theh. Inn le Biakinn pawl siatsuah an tuar ih mawhnak nei lo mipi pawl ih nunnak a hlo ral ruangah riah a sia” tiah a rak sim.
May 27 ni Tlawngkai nithum ni mipi a tonnak caanserh theh ah Pope Leo XIV in Russia ih do sal nak pawl ruangah Ukraine hrangah tha pek nak a rak nei.
Ralbuainak in buainak ngaingai a dai ter thei lo. Tamdeuh in a siatsuah sawn a si tiah Pope in a rak dil ih hi mi in humhimnak a dinsuak lo ih harsat nak le huatawknak pawl a tam ter” tiah a rak sim.
Missiles le drone’s pawl tlaknak hmun tinah ruahsan ding khal a um nawn lo. Inn pawl le Biakinn pawl siatsuah an tuar ih sualnei lo mipi pawl ih nunnak khal tampi a hlo ih riah a sia tuk” tiah Pope Leo XIV in a rak sim.
Cuihnuah ralbuainak ruangih thinnatnak a tuar mi minung pawl kha “remdaihnak ih Bawinu”a si mi Maria hnenih humhimnak hnuai ah a rak ap.
Athusim a cem zawngah Pope Leo XIV in Poland in khawmzawh tu mikhual pawl hnenih a simnakah mizan ah Poland ah Mother’s Day (Nu ni) an rak hmang thu mangsal in a sim ih Nu pawl hnen lungawi thu a rak sim.
Nun ram ih laksawng kha terhsiang zet in a rak pe tu, mai fale pawl kha zirh in Pathian le inn hnen kiangkap pawl duhdawt thiam dingin a rak zirhtu Nu pawl zaten ka lungawi” tiah a rak sim.
Cuihleiah Pope in a thianghlim mi Bawinu Maria cu Nu pawl hrangah thlacamsak dingah a dil ih Jesuh thawn a pehthlaih theinak thlawsuah ngah thei hram hai seh, tiah a rak dil sak.
Bawinu ih bawmnak in “Poland mipi pawl hnen” naupai lai caan in nunnak cem tiang mitin hrangah nunnak kha mairamah humhim tlang uh” tin khal a forhfial ih “nan zaten thlawsuah ka lo pe” tiah a cemnakah a rak sim. Hi mi cu Vatican thuthangin a tawizawng le a remcang thei bik dingih kan ngan mi a si.
