Pentecost thawn pehpar mi thu hla tawi.

Pentecost puai ni ah Thlarau thianghlim cu Ruah, Thli, tleunak lole a dang hminsinnak thawn lang lo in meisa thawn a ratnak thu kan ruat dah maw? Jesuh ih dungthluntu pawl parih meisa alh a rungtum nak ih thlam cu Khristian san thuanthu ah thazaang cak zet mi pakhat a si ih Catholic pawl in kumzabi tampi thinlung thlarau lam ih a thuk mi a san kha ruah a si.

Pentecost puai cu mangbangza pakhat lawng a silo. Cu mi cu Pawlpi ih suahkehnak le leitlun pi ah mission (Thuthangtha simnak) hnatuannak a thawhnak khal a si.

1. Cathianghlim ah Thiangthlarau Pathian cu Dungthluntu pawl hnen a tum tikah mesa alh vek a si mi kha an par ih a rung tumnak a si tiah kan hmu thei.

Cule lei bangtuk a simi meisa hliau cun a run dai fingfing. (Tirhthlah 2:3) sungah kan hmu thei a si. Hi mi meisa cu siatsuah ding hrangih ruangpum lam thawn pehpar mi meisa a si lo. Hi mi cu Pathian ih humham thawn a umnak kha hmuh thei mi hminsinnak a si.

2. Cathianghlim sung tampi ah meisa cu Pathian ih umnak kha a aiawh theu. Thlunghlun ah kan zoh asile

. Pathian cu meisa hrampi a kang lo mi meisa alh in Moses hnenah a rak lang. Israel miphun pawl nelrawn ih an um laiah meisa thawn a rak hruai.

. Vancung meisa thawn a mai thawmhuham kha a rak lang ter asi. Thinlunglam thawn peh par mi a san simnak ah meisa cu

. thianternak

. thianhlimnak,

. Pathian huham

. Minung pawl hnenih Pathian ih a naihniamnak pawl kha a aiawh a si.

3. Pentecost meisa cu thianhlim ternak kha a aiawh. Meisa cu Sui kha a thianhlim ter ih a bal pawl a hlonsak vekin Thiangthlarau cu Tirhthlah pawl ih thinlung lam kha a thian ter ih thazaang pe dingah a ratnak a si.

Pentecost thlen hlan ah dungthluntu pawl cu Jesuh Khrih van a kai hnu ah tihphan nak, hmuhthiam thei lonak le thu felfai lo nak rinhlelnak pawl thawn an rak um.

Thiangthlarau Pathian an cohlan hnuah cun an mah pawl cu Pathian thuthangtha kha mitampi theih dingin sim dingah ralthatnak ih tetti pawl ah an cang a si.

4. Meisa cu thinlung thathawhnak le thinlunglam thawn pehpar mi ap awk duhnak kha a aiawh a si. Pentecost cu innkhan sungih thinphan nak thawn a finkhawm aw tu a dungthluntu pawl kha Khrih hrangah harsat tuar dingah le nunnak pe dingah man cia a si mi Pathian riantu missionary pawl dinhmun ah a thleng ter a si.

Thiangthlarau Pathian cu dungthluntu tu pawl ih thinlung kha Pathian ih ralthatnak thawn lam a hmuh sak nak a si.

Cathianghlim in “kan sungah meisa kang vekin a um tho lo maw kha” tiah an sut aw. (Lk 24:32b)

5. Pawlpi ih mission hnatuannak hrangah thlawsuah pawl le thlarau lam thazaang cah nak thlawhsuah an rak ngah a si. Hi mi cu bangawk lonak sungah lungrualnak khal a lang ter a si.

6. Pentecost meisa cu Bible hlun ih Babel lungdawl ih an hmuhawk thiam lonak kha a dam ter sal a si. Babel lungdawl ah minung ih hngalnak ruangah ttong pawl a thenthek aw ih minung pawl khal an rak thekdarh aw a si. Pentecost ah cun miphun phun tampi a si mi mipi pawl cu Dungthluntu pawl ih sim mi ttong kha an mai ttong in an rak thei thei a si. Curuangah Catholic Pawlpi cu minung zate hrang ih a cannak a si.

7. Catholic pawl cu Pentecost meisa kha Pawlpi ih Sacramental thawn a pehthlai mi nunram asi. Thiangthlaurau cu tuini tiang

. Baptism

. Confirmation (Chrisma tha peknak)

.Bawipa thi le sa

. A dang Sacrament pawl ihsin zumtu pawl kha a thianhlim ter asi.

A hleice in Confirmation (Chrisma tha peknak) Sacrament cu Pentecost ni ah a hmaisabik a langter mi Thiangthlarau ih thazaang peknak kha a thupit in a langter asi.

8. Pentecost ih a tum mi meisa in dungthluntu pawlih taksa lam a rak siat suah lo. Ziangah tile Bible Cathianghlim sungah Pathian ih meisa cu siatsuah hnak in thlengawknak kha a rak aiawh theu a si. Thinlung lam ah Pathian ih meisa cu

.  A thianhlim ter

. Tleunak a pe

.Thazaang a pe

.A thar in a can ter a si.

9. Pentecost cu Jesuh Khrih ih vancung a kai hnuah a dungthluntu pawl cu ka lo tanta lo ding ti mi a thukam a kim ternak khal a si.

Bible Cathianghlim sungah “Nan hnen ih Thlarau Thianghlim a rung thlen tikah cahnak huham thawn nan khat ding” tiah a cah mi a si. (Tirhthlah 1:8)

Thiangthlarau ratnak cu Pawlpi kha leitlun ah Thuthangtha phuan dingah thazaang a rak pe a si.

Anetnak ah Catholic Pawlpi cu Pentecost ih meisa kha tuini tiang Pawlpi sungah thinlung thlarau lam ah a alh rero lai tiah an zum a si. Zumtu pawl cu rinnak thawn an nun tikah, thuthangtha an phuan tikah, thla an cam tikah le Thiangthlarau ih lamhmuhnak kha an cohlan tinten a Thiangthlarau meisa kha a alh rero a si.

A menmen ih kan sim a sile Pentecost ah Thiangthlarau Pathian cu meisa ih a ratnak ah meisa cu Pathian ih umpinak, thianhlim ternak, thawmhuham le thinlung thlengnak kha a aiawh ruangah a si. Cui meisa alh in dungthlun tu pawl kha Pawlpi ih mission (Pathian hnatuannak) hnatuannak thok dingah Pathian ih thazaang thawn a khah ter thu a langter. Hi mi thu cu Catholic dillies sungah thawn peh par in kan ngan mi a si. Hi mi a rak siartu zate parah Thiangthlarau, Pentecost ih thlawsuah co hram hai seh law.