Na tlaksiat caan ah na lutung aw, zir nak ah hmang aw. Hnatuan sinpi lo caan, Paisa remcang lo caan, Innsang sinpi lo caan, cuvek harnak pawl tong tikah mah le mah that awk duh nak tiang thinhar caan a um theu ding, Zianghman ruat thei lo in thinlung sung ah buai nak thlir in na khat men ding, cu mi ah tla phisin dan ding lamzin hnak in na thinlung nat nak in hmunhma a lak. Cui caan ih na ruah ding mi cu hi vek harsat nak cu mitin ih ton mi asi ti kha hngilh hlah.

Na nun sung ahcun harsat nak, buai nak a phunphun cu pakhat hnu pakhat a um ding. A ra cang mi harsat nak buai nak pawl kha thindai ten caan pe in ruat aw. Ziang thil hman ruat in ttih hlah. Mitin in thuhla a phunphun ruangah harsat nak an to rero ve. Nangmah pakhat lawng in na tong mi asi lo ti kha thei aw. Ziangvek harsat khal pahtlang aw. Ruat buai rero nak cun sung nak a lo pe ding. A rilrawng zet tu pum, paisa a um lo mi paisa bawm, a kekkuai mi thinlung pawl cun nunram ah a tha bik mi zir nak pawl in pe asi.

• Na tlak siat caan ah na lu tung aw.
• Na zuam caan ah na kaa tam hlah seh.
• Na hlawhtlin caan ah hngal hlah.
• Na zuam caan ah tuar thei nak nei aw.
• Na tlak siat caan ah raltha aw.
• Na hlawhtlin caan ah dai ten um aw.

Pansiam si ten um nan natnak thawn khat caan a um pi. A par lam men in thil hi relsia hlah. Mitin in harsat nak nei cingin nuam zet vek in an um.

Nunram ah harsat nak pawl ton tikah ziang ah timi thusuh nak um lo in ziangtin ka zuam pei timi kha ruat sawn ding asi.

Tumram a siatral caanah nunram zaten a siat thei ruangah harnak pawl thawn ziangtin kan ton khal le tumram kha hloral ter hlah aw.

Na tha suah aw. Nunram thawn thleng ih na ngah mi zir nak pawl cu tuar caan ah a kha zet a har zet ko nan nikhat khat ahcun a thlum tak lai ding asi.

A dikah dik lo ah a farah cun a tuar thotho ding asi. A thlum ah a khat ah nat hnuhnu cun ei thotho atul. Tul ah tul lo ah kiangkap timi thawn pawlkom awk a tul.  A that ah that lo ah hnatuan vek cun pan siamsi ten um a tul.

Harsat na ton caan ah zo hman zangfah dil hlah mah ten cui harsat nak ihsin suak thei dingin zuam aw. Na thanau tin in hi ca te hi siar aw. Na nunram harng ah thazang a lo pe ding.

Na manhlat nak a lo thei lo tu pawl thawn na caan cem ter hlah. Man in hlat tu pawl caan pe sawn aw.

Hmuh mi bang aw nan hmuh dan a bang awk lo ahcun ruah dan a sual ringring ding asi.