May-14
Mithianghlim Matthias cu Bawi Jesuh tikholh nak a laak nak ni ih sin thok in Vancungram ih a kai tiang Bawi Jesuh ih dungthluntu pakhat a si. A mah cu Bawi Jesuh hmunzakip a feh lai ah Pathian thuthangtha phuang tu ding ih thlah mi minung 72 sung ih pakhat a si ve. Thiang Thlarau Pathian a rung tum hlan ah dungthluntu hleikhat le a dang dungthluntu pawl thawn thlacam nak pawl an kilkhawi lai ah mithianghlim Peter in Bawi Jesuh ih thawh sal nak thu phuang tu pakhat si dingah Judah ai-awh ih dungthluntu pakhat ih tuan dingih a tul sam mi pawl an rak than. (Dt 1:21) ah Matthia le Baraba an pahnih cu Judas ih ai-awh tu ah le tirhthlah pawl lak ih tuanvo la dingah camcawhfung an zuuk ih Matthias in a ngah. Cui hril nak in Isarel miphun 12 ih ai-awh tu ah a cang. Thaing Thlarau a ngah ih Matthias cu Judea in Caspian tipithuanthum tiang Pathian thu a rak sim. Pathian hna a tuan lai ah hrem nak, dik lo tuk mi pawl ruangah Colchis ah Pathian hrangah thah a rak tuar. A ruangpum cu reipi tiang an rak ret. Cule mithianghlim Helen hnen in Rome ah an rak thawn.
