Cosmetics empire (Hmaihnuh lam sumdawnnak) in Puithiam nunram ah a fehtu Scott Borba ih zumnak thuthawi. (May 9, 2026)
****************************
Hollywood ah multimillion-dollar tampi man ceimawi awknak sumdawnnak a tuah tu Scott-Vincent Borba cu a tu ah a danglam in a thlengaw mi kawhnak pakhat a si mi Catholic Puithiam nunram ah lut dingah tim a tuah rero a si.
2026 May 23 ni ah leitlun hmaihnuh nak suahnak ih tacik nei e.l.f.Cosmetics ih komkhawm in a rak dintu Scott-Vincent Borba cu California ramthen Fresno diocese ah Puithiam sinak ordination a ngah thlang ding asi.
Kum 30 a kum hlan in Borba cu hmaihnuh lam sumdawnnak ah hnatuan ah hminthang zet tu pakhat a si ih hmin nei zet mi tacik pawl, mimawi zuamnak lam pawl thawn pehtlaih in a tuan ih hlawnthil neihnak, nuamzet ih umnak le hminthannak tampi a nei mi nunram thawn a rak umtu a si. Asinan cui tuahsuaknak le hminthannak pawl ih dunglam ah a thinlung ah daiten um thei lo in a rak um tiah a rak sim.
“Ahlan ah cun kei mai hrang lawngah ka rak nung. Kei mah le keimah lawng ka rak zum aw men” tiah a hlan interview khal ah a rak sim zo. Cuihnuah a zumnak kha a rak hmu suak. Cui zumnak in a mai Catholic Nu Pawlpi le Bawinu Maria parih a rak duhdawtnak in a rungcang suak mi asi. “A nauhak lai ih Missa biak khawmnak ih Puithiam pakhat a rak hmu mi kha a thinlung sungah kum reipi tiang a rak tang ringring”tiah a sim.
A kum 40 ah Borba cu a mai neihnak, liannak kha a rak taan ih sumpai pawl khal zaangfah lainatnak hnatuan pawl ah a rak hlu ih Califonia ih St. Patrick’s Seminary ah a rak lut. A tuah kum reipi timtuah in a zir hnuah ahlan ceimawinak hnatuan hminthang zet in “leitlunpi ih a pek thei lo mi lungawinak kha ka rak hmuh suak” tiah a rak sim.
“Jesuh thawn thinkhat lungkhat si thei dingah cun ka neih mi zate kha vei thawng ziat tiang khal ka hnong ding” tiah a mah in a rak sim. Hi mi cu Shalom world news in kan ngan mi asi.
