79. Milai hrangih thuthangṭha cu ziang a si?

“A nungmi Pathian ih Fapa” (Matthai 16:16), a thi ih mithi hnen ihsin a thosal tu, Jesuh ih thuthangṭha cu milai ih thuthangṭha a si. Siangpahrang Herod le kumpi uktu Caesar Augustus ih san laiah Pathian in Abraham le a tefasin pawl hnenih a thukam mi a kim ter a si. Pathian in “a Fapa a run thlah. Nunau sung ihsin a suak ih Judah daan hnuaiah a nung. Daan hnuai ih a um mi pawl tlen dingah le Pathian fa ih kan can theinak dingah” (Galati 4:4-5) Pathian in a Fapa cu leitlun ah a thlah.

80. Ziangtin thuthangṭha a karhzai?

A thok ihsin Jesuh ih dungtluntu pawl cu mi hmuahhmuah in Jesuh an zum theinak dingah thuthangṭha phuan duhnak thinlung nasazet in an nei. Tuini tiangin zumtu pawl in thuthangṭha sim duhnak le zirh duhnak nasazet in an nei a si. Cuih thuthangṭha kan timi cu Pathian ih rorel mi hmuahhmuah Khrih sungih phuang dingin a siih milai cu Khrih thawn pumkhat ah cangthei dingin timi tumtah mi a si.

Hithu cu Catechism of the Catholic Church cauk sungta kan run lo hlawm a si.