April 28

Oceania tikulh ih a hmaisabik martyr mithianghlim Peter Chanel cu kum 1803 ah France, Cuet khuapi ah a rak suak. Puithiam can nak tlawng ih a rak kuat tu Fr. Trompier in a ruah nak in pawlpi a duhdawt nak kha a rak thei.A mah cu bishop ih upat nak a ngah ih Bishop thawn peh par in hi tin a rak ti, “Peter Chanel cu nauhak pakhat vek in zum nak a nei ih Vancungmi pawl ih an nun can daan vek in a nung,” tiah a rak ti. Puithiam can nak a ngah hnu ah lo lam  hna tuan nak a si mi Crozet Diocese ah kum thum sung Pathian hna tuan dingah tuanvo an pek. Cui Diocese ih pawlpi karh dingah a rak tuan. Ziangvek a si khal le Pathian hna tuan nak zuam zet in a tuan ih kum 1831 kum ah ramdang Pathian hna  a tuan tu Marit kaing ah a rak lut. Kum 1836 ah Bawipa Jesuh thu veikhat hman an sim dah lo nak Pasafit tipi thuamthum sungih a um mi Motrina tikulh ah umin Pathian hna a tuan.

Cui tikulh ah cutawk in um mi pawl ih tong a zirih mina pawl a dam ter nak in tikulh ih a um tu pawl ih zumnak a ngah ih mitampi kha khawhrn sungah a rak hruai thei. Pathian thuthangtha sim nak in Motrina tikulh ih a um tu upa pawl ih khuasia khuavang an biak nak kha dan kha a rak hlo ter thei. Tikulh ih um mi upa pawl in an miphun pawl kha an daan hnuai lawngih um ter dingah khuavang biak nak kha tha an rak pek. Kum 1841 ah cui tikulh ih upa pawl in an phunpi ralkap pawl an hei thlah ih cui ralkap pawl in mithianghlim Peter Chanel kha thingtan in an vuak that.

Pathian thu ruangih thah a tuar hlah a nikhat duhah Mithianghlim Peter Chanel cun “Ka thih khal le a poi lo. Hi tikulh ah thuk zetin hram a buntu Bawipa Jesuh ih zumnak cu ka thih khal le a hlo cuanglo ding” tin a rak sim.

Mithianghlim Peter Chanel a thih hnu kum reilo te ah tikulh ih um mi hmuahhmuah cu Bawipa Jesuh ih fate ah an rung cang thluh.