April 7
De la Salle tlawng pawl a rak din tu Mithianghlim John the Baptist de La Salle cu kum 1651 ah France ram, Rheims khuapi ah a rak suak. Ruahnak a sang ih Pathian a duhdawt zet tu a nu le pa in Paris ih Siangbawi tlawng ah an rak lut ter ih kum 1678 ah cui khuapi ah Puithiam can nak a rak ngah.
Puithiam a can hnu kum rei lo te ah mifarah nauhak pawl ih fimthiam nak hrangah Rheims khuapi ih Diocese tlawng ih a tuanvo pawl cu a rak cawl. A neih mi thilri pawl a zuar theh ih mifarah pawl hrangah ca zir nak tlawng a rak din sak.
Netabik a ca zirh nak ih thatho zet ih a zuam nak ruangah tlawng men men ih saya 12 in a dung an thlun ih pawlkom pakhat in an um ih nauhak le mino pawl ih fimthiam nak hrangah an nun pe dingah lungkim nak an rak tuah. An mah pawl cu an ca zir nak tlawng pawl ih De la Salle Brother pawl tiah an rak ko.
Ca tha ten zirh thei nak dingah zohman Puithiam cang lo dingin upat tih zah tlak pawl le milian pawl hrangah a hmaisabik ca zir nak tlawng pawl a rak din. Cu vek tho tho in kut thiam pawl ih nauhak pawl hrangah zarhpi ni ah “Sunday Academy” ti mi phunsaang tlawng a rakdin thok.
Pathian ih a kawh nak lamtluan ah hnaih hnok nak a phun phun a rak tuar a si. Voikhat ah a leng tlawng saya pawl in Parame khuapi ih a tlawng phit dingah an rak dil. Cui rei lo te ah De la Salle cu Brother pawl fek zet in a dodal tiah an pawlkom ih mithalo pawl in an phair la la.
Cu ruangah cui kaing sungtel mi hrek khat in Parame khuapi ih um Archbishop hnenah De la Salle ih din hmun thlak dingah an ngen. Cui dil nak cu pom a si lo.
A dang ho tu upa pakhat cohlaan ding ai in cui brother pawl in Europe ram ih Catholic ca zir nak tlawng pawl an rak sin thei ih Pawlpi ih a sang bik cazirnak kaing ah a rak cang. Mithianghlim John Baptist De la Salle cu kum 1719 ah Rouen khuapi ah a rak thi ih kum 1950 ah tlawng saya sayama pawl kilkhawitu tiah an rak nemhnget a si.
Mithianghlim John the Baptist De La Salle cu saya/sayamah pawl kilkhawitu a si vek in ca zirh tu hmuahhmuah in nauhak pawl lainatnak le taimaaknak thawn an zirh thei nak dingah thlacam sak cio uh si.
Cu lawng hman si lo in hi leitlunih St. John the Baptist De La Salle ih a rak din mi De La Salle tlawng ih rian a tuan rero tu Brother pawl in an thih tiang St. John the Baptist De La Salle vek in rin um zet ih Pathian hna an tuan thei nak dingah thlacam sak uh si.
