April 4,
Seville ih Bishop a si mi Mithianghlim Isidore cu kum 560 ah Spain ram, Cartagena ah a rak suak. A u ih a fek zet mi a daan pawl ruangah Mithianghlim Isidore cu a cu lai ah a thiam hleice mi cathiam pakhat a rak si.
A u pa in zin sual ih thleng lo dingah thawnginn sungah a rak khum. Kum 600 ah Seville khuapi ih Bishop si nak an rak pek ih Isidore in Jesuh Khrih kha Pathian ih a zum lo tu pawl an hmuhnak hman dingah a rak bawm.
Kum 633 ah Toledo khuapi ih an tuah mi a veili nak thuron pumkhawmpi ih hoha tu ah a rak tuan. Cui thureltlangnak ah Biakkhawmnak ih daan pawl a rak tuah.
Europe ram ih mi tam sawn cu mi puarthau dinhmun ih nuam te ten a rak thlen dikah Spain ram cu thuanthu lai nunphung khuapi a rak si ruangah Mithianghlim Isidore hnenih lungawi thu sim ding a si.
Isidore cu cangan thiam zet mi saya pakhat a si. A cauk tampi sungin Science zate ih kom mi suah kehnak thu hla simfiang nak a phunphun a tel mi a thupibik ca uk tiah a rak cang.
Kumzabi pakua lai hrawngah tlawngta pawl hrangah duh a nung zet mi tlawng ih hman ding ca uk khal a rak si. Cui ca uk cu kum reipi hman mi ca uk pakhat ah a cang lan ta.
Mithianghlim Isidore ih ngan mi le a rak kilkhawi mi “Catluan pawl ih ca uk pathum” cu Christian pawl ih ruahnak nuntuzia pawl hrangah Pawlpi ih hmaisabik an hman theu mi ca uk a rak si.
Mithianghlim Isidore in “Thlacamnak ca uk lo le thlacamnak in in thiangfai ter uh, ca siar nak in lam hman ih thleng dingah lam ih hmuh. A cang thei le a pahnih ih tuah a tha. A cang thei lo ah cun thlacamnak cu ca siar ai in a tha sawn” tiah a rak ngan.
Mithianghlim Isidore cu a thih tiang sual cawhkuannak le pumsa ulhnak pawl a rak tuah theu. A thih hlan netabik thlaruk ah a tlawng cu nazi 24 sung rori mifarah pawl thawn a khah tiang a duhdawtnak cu a rak khaisang a si.
Kum 636 ah Mithianghlim Isidore cu a netabik Sacramentu pawl a lak hnu ah leibaa a sam thei lo tu pawl a rak ngai thiam. A taang lai mi a thilri pawl khal mifarah pawl a zem ih Khrih Jesuh hnenah hnangam ten a rak cawl a si.
Mithianghlim Isidore hnenah a mah bangin thlacam nun a nei tu kan si thei nak dingah thla in cam sak aw tiin dil tlang uh si. Mithianghlim Isidore cun mi hrangah a nunnak a rak hman bangin nitin kan nunnak hi Khrih le midang hrangih kan hman thei nak dingin thlacam nak thawn ben tlang uh si.
