Taraba ah hriamkai misual pawl in Catholic Puithiam a mai motor sungta a nungcung in ur. (February 02, 2026)

Saklam nisuahnak Nigeria ram Taraba ramthen Takum khuapi ah ih Kufia Amadu ah Rev. Fr David Tanko cu hriamkai pawl in an kai ih a motor thawn an ur thu thei a si.

Fr Tanko cu 2008 ah Jalingo Catholic Diocese ah Puithiam sinak ngah tu a si. Hi mi cannak cu Tiv le Jukun miphun pawl karlakah buainak remsak dingih tuah mi metting kai dingin a feh lai ah a si.

Cuihmun ih a hmutu pawl in a mai hi ti vekih mawi lo zetih nunnak cemnak cu Pawlpi ih martyr pakhat dinhmun in an ngamhnget ih Pathian le mipi hrangah a nunnak thawn a dinpi tu a si tiah an sim.

A hrekkhat a hmutu pawl in a nunnak cemnak ah thla an camsak ih “Cawl aw” a sangbik mi Pathian ih duhdawt zet mi riantu tha, thisen luannak cu Christian zumnakah a sang bik mi pakhat a sithu sawhkhih in an sim. Hi mi thuthang cu Roman Catholics in Kenya thuthangin kan ngan mi a si.