Zumtu thawng sawmriat lenglo St. Peter’s Square ah pumkhawm in Pier Giorgio Frassati le Carlo Acutis teih mithihlim khaisannak ding Zarhpi ni Missa raithawinak ah Pope Leo XIV cun mino mithianghlim pahnih te cun kan mah pawl, a thupi bik in mino pawl, kan nun cu Pathian lam hawi ding le thianghlimnak, riannak, hlimnak cu kan nun ah tha zet in nunpi dingin in sawm a si.
Pier Giogrio Frassati le Acutis te mithianghlim khaisannak, Missa raithawinak ah Pope Leo XIV cun an maih zumnak, ruahsannak le Pathian zumnak le Bawipa ih a sunglawi zet mi timtuah cia kumkhua nunnuamnak le lungawinak pawl hlawm nak a nei a si. Pope cun Italian mino mithiang pahnih cu September ni 7 Zarhpini ah phuan nak a nei a si.
A thu simnak ah, Pope cun mithianghlim thar pahnih te ih a cuangce an sinak a sim a si. Zarhpi ni a veikhatnak ih kan siar mi Fimnak cauk sung ta ruat kir sal in, Pope cun Siangpahrang Solomon vekin, hi mino pahnih te cu leitlun kan nunnak hrang Pathian khawkhan theithiamnak fimnak thluasuah an au pi ih zum zetin in an nun pi a si. An dawn mi thluasuah pawl hmangin midang pawl Pathian hnen an maih zohthim tlak nuncan le thu simnak thawn an hruai a si.
Gospel ca thianghlim siarmi sungah, Jesuh in Pathian ih khawkhan nak in sim ih kanmah leh mah tansan ih kan thinlung takin thlarau thianghlim ihsin kan ngah mi thazang le fimthiamnak thawn ,rinhelhnak um lo in kan upawk a tul tin Pope cun a sim. Mino pawl cun an nun ramah thinglamtah lamzin cu harsa zet in an hril a tul tin Pope cun a sim. Mi thianghlim Francis of Assisi zohthim in, Pope cun Mithianghlim ih hril mi “mangbangza” thianghlimnak thuhla kan thei, ziangkim tansan in Bawipa ih dung a thlun, retheinak thawn a nung ih a u nau pawl duhdawtnak thawn, a pa ih sui, ngun le a mangkhung mi hnipuan pawl mi thanau pawl le mi nauta pawl a pek a si.
Mithianghlim tampi thuhla cun bangrep nak an nei, raltha zet in, an kum a no zet nan Pathian lam hawi in hrilnak an nei a si. “An maih hrang zianghman ret lo in” Pathian hnenah an ziangkim an hlan a si. Pope cun mi thianghlim Augustine thuhla ruatkir sal in a sungah aw cun “ ka lo duh” tin a thei, Pathian in khihhmuh nak thar, lamzin thar, thuhla thar, a nunram zianghman hlohnak um lo in, a pek a si.
Mithianghlim Pier Giorgio Frassati cu kum zabi 20 hmailam ih Italian mino pa khat a si. A mah cu Catholic pawlkom pawl ah le mifarah bawmnak pawl ah a tel a si. Pope cun tuih ni ah “Pier Giorgio nunram cu mipi pawl thlaraulam hrangah zohthim ding tleu pakhat a si”tin a sim. Zumnak cu bulpak hrang lawng silo in pawlkom pawl le pawlkom sung tel tu pawl lainatnak thawn mi farah pawl rian ding a si.
Italian mino St. Carlo Acutis thuhla sim in, tleirawl kan si lai ah, Pope cun amah in ziangti vekin an insungsang ah Jesuh a tawng, a nu le pa par ah lungawinak a um, Andrea le Antonia, hi puai ih ratel thei tu a unau pahnih te Francesca le Michele par khalah lungawi nak a um. St. Carlo ih zumnak cu zirnak tlawnginn ihsin a nunpi in kan hmu, a thupi bikin an parish sacrament tuahnak ah kan hmu. Pope cu pehzawm in a sim ih “amah cu nauhak le mino a si nan thlacamnak, lehpannak le zangfahnak ah a thanglian a si”
Ne ta bikah, Pope cun hih mithianghlim pahnih, St. Pier Giorgio le Carlo Acutis te in mi hmuahhmuah in sawm, “ a thu pi bik in mino pawl, kan nunram cu hloh ral men lo in, hmailam pan in thazet in kan nung ding”tin a sim.
“An mah in kan mah pawl thazang in pek mi tongkam; “Keimah si lo in Pathian in” tin Carlo cun a tong theu a si. “Na thil tuahnak tinkim ah Pathian cu a thupi bik in na ret asile, a theh tiang na thleng thei ding a si.”Hi tongkam cu tongkam menmen a si nan an thianghlimnak hrang nehnak a si.
Hi thuthang cu Vatican thuthang in kan don mi asi.
