RVA Falam Service/ September 24, 2026
Aid to the Church in Need (ACN) pawlkom ih leitlun huap dinhmun in hoha in tuah mi ” nauhak million khat thlacamnak” caanserh cu October 1-7 tiang an tuah ding a si.
Cui caanserh ah nauhak pawl in remdaihnak le lungrualnak hrangah hmun khat im Rosary thlacamnak an nei ding a si.
Leitlun huap dinhmun in zarhkhat sung thlacamnak timtuah in tuah ding mi cangvaihnak cu Octobet 1 ni ah Rome khaupi ah thlacam thangphawknak puai (prayer vigil) in thawh a si dingih October 7 Rosary Siangpahrang Bawinu puai ni ah a cem ding a si.
Leitlun hmun tin ih Biahop pawl, Biakinn pawl le tlawng pawl, pawlkom pawl le innsungsang pawl cu kumtin tuah mi hi caanserh ah an tel ding a si. Cumi pawl in an mai dinhmun le biaknak lam hnatuan pawl hrangih a rwmcang bik mi ni kha hril in Rosary an cam thei ding a si.
Tui kum caanserh hrang thangphawk nak pe tu Bible cathlang cu ” netabikah kan mai sualnak a mal mi thinlung in kan tuah suak thei ding a si.
Aid to the Church in Need (ACN) International ih President le Christian lungrualnak khaisannak ih tuanvo neitu (Dicastery for Promoting Christian) Cardinal Kurt Koch in Sual hram nei lo mi Bawinui thinlung cu Thiangthlarau hrangah on cia mi nunram kha a aiawh thu a rak sim.
Cuihleiah Maria cu zumnak, duhdawtnk le thlacamnak pawlah zohthim tlak a si thu khal a rak sim.
Remdaihnak le lungrualnak hrang tumtah in hi cangvaihnak cu buainak le zonzaihnak pawl thawn a khat mi leilungpi thlengawknak a can tei thei mi thlacamnakih tha pakhat si dingah tumtah a si.
Cuti ih thlacamnak ah John thuthangtha ih a sim vekin ” hi leitlunah nanmah pawl cu harsatnak nan tong ding. Asinan nan raltha uh.kei cu leitlun ka neh zo” ti mi ttongkam khal in mangter sal a si.
Hi thuthang cu Shalom World news in kan ngan mi a si.
Crd: Shalom World News
