Catholic biaknak in Maria kha biak lo in ziangruangah an duhdawt ih an upat?
Veikhat lai ah Catholic zumtu pakhat in a rualpi pakhat hnenah a menmen ten thu a rak sut.
A rualpa in a sut,
“Catholic biaknak ih um tu pawl in Maria ih thu ziangruangah hi zatzat in an simih an rel? Maria an biak a silo maw?”
Catholic biaknak pa in hnih phah in a rak sawn. “A si lo. Kan ni in Maria kha kan duhdawt nak cu a mah in kanmah pawl kha kan biak mi Pathian hnenah lam in hmuh ruangah a si.”
Asile ziangtin a thlau aw.
1.Catholic pawl in Pathian pakhat lawng an biak.
Catholic ih zirhnak pawl cu a fiangzet. Biaknak cu Pathian pakhat lawnghrang a si. Pa, fapa le Thiangthlarau cu thumkom Pathian a si ih Catholic biaknak in cu mi lawng kan biak a si. Maria cu Pathian a silo. A mah cu milai pakhat a si ih Jesuh ih Nu cang dingah Pathian in a hleice ih a rak hril mi a si.
2.Jesuh a mah rori in Maria kha a hleice mi sinak a rak pek mi a si. Maria ih thupit nak kha Catholic pawl in an mah ten phuah cop in an tuah mi a silo. Vancung mi Gabriel in Maria hnen “thlawsuah thawn a khat mi Nu” (Lk 1:28) tiah a rak sim. Thiangthlarau thawn a khat mi Elizabeth khal in “Nunau hmuahhmuah lakah nang cu mi thlawsuak na si.” (Lk 1:42) tiah a rak sim.
Maria a mah rori khal in “a tu thok in mi hmuahhmuah in mi thluasuak in ti ding” ( Lk 1: 48) tiah a rak sim. Curuangah Christian pawl in Maria sunloihnak an pek tinten cui ttongfang cu pehbet in a famkim tiah Catholic pawl in an zum mi a si.
3. Maria upat in sunloihnak cu Jesuh duhdawtnak a malter lo.
Maria sunloihnak ruangah Jesuh kha kan duhnak a malter tiah mihrek in an rak ruat theu. A sinan Catholic zumtu pawl hrangah cun Maria ih tuahnak pawl zate cu a mai Fapa hnen lam hmuh dingah a si. Canaan nupi thit puai ah Maria in ruaitla pawl hnen “a mai sim mi poh tuah uh” (Jn 2:25) tiah kan hmu thei. Maria in ruaitla pawl hnen a mah ngaihsak dingah a rak sim lo. Jesuh hnen lawngah lam a hmuh a si.
4.Catholic zumtu pawl in Maria kha an mai hrangih thlacam sak dingah an rak dil. Catholic zumtu pawl in “Thianghlim Maria, Pathian ih Nu, sual nei mi kan mah hrangah thla in cam sak aw” tiah thla an cam tikah Maria kha Pathian ih ai ah retin an dil mi a si lo. Maria hnenah an hrangah thlacam sak dingah an dil mi asi. Maria thlacam saknak cu Jesuh Khrih le a mai a lamdang hleice mi pehtlaihnak kha hngamhnget in cui an si daan thawn a pehpar aw a si.
5.Maria sunloihnak cu biak a si lo.
Catholic Pawlpi in a thupi mi a lamdang mi pakhat a rak tuah asi. Pathian cu a biak ih Maria cu upat ih sunloihnak a pe. Hi lamdannak cu
- Latria – Pathian pakhat lawng pek ding mi biaknak
- Hyperdulia – Maria hnenih pek ding mi a hleice ih upatnak tin lamdang ten a langter.
Maria cu Jesuh Khrih ih Nu a si mi a lamdang mi sinak ruangah mithianghlim pawl hnak in hleice deuh ih upat a si ko nan a mah cu Pathian ih sersiam mi minung pakhat a si.
6. Maria a mah rori in Pathian cu a mai ruundamtu a si thu a rak sim.
Magnificat thlacam ih a sak mi ah a mah in “Pathian I Runtu parah ka nunnak cu ka lung a kim zet.” (Lk 1:47) ah kan hmu thei. Maria in a mah hnen ah silo in Pathian hnen ih feh dingah lam a hmuh asi.
Amai thupitnak cu Pathian in a mai hrangah a thupi mi pawl a rak tuah mi asi.
7. Maria hnen upat peknak ih a san cu Khrih a si.
Maria hnen upat peknak ih a san kha a ngaingai ih a theifiang mi Catholic zumtu pakhat cu Jesuh kha tamdeuh in ngaihsak a si ih malter dingah a silo.
Rosary thlacamnak cu Khrih ih thuthuk pawl kha ruat in thla in cam ter a si.
- Khrih ih minung cannak a langter.
- Jesuh a suahnak
- Jesuh ih amah le amah a ap awknak
- A thawhsalnak le nehnak
Maria cu hi thuthuk pawl zate ah a um ko nan a laifannak ih a umtu cu Jesuh Khrih kha a si.
Sources
Sacred Scripture (Catholic translation): Luke 1: 26-38, Lk 1:39-56, John 19: 25-27)
Catechism of the Catholic Church 963-975,Rosarium Virgins Mariae.
