Columbia Bishop conference ih an hotu Archbishop Francisco Javier Munera hnen ah Pope Leo cun August ni 10 ih Linghnin nak ruang ah minung 100 lenglo an thi ih mi nung tampi in hliamhma an ngah timi a theih ruang ah a riahsiat pi ve thu sim in ca a kuat.

August 10 ni ah nasa zet ih linghnin in ramsung nitlaknak lam tam pi a siatsuah ih minung 150 luan an thi ih mitam pi in hliamhma an ngah. Cui linghnin cun biak inn tam pi tel in hmun tam pi ah siatralnak tam pi a thlen ter.

Pope Leo cun a cakuat mi sung ah “himi riahsiatza caan ah, mai duhdawtmi pawl thihhlonak ruang ih riahsia mi pawl” ih innsung sang zate hrang ah lainatnak thinlung thawn a riahsia in a tuar pi ve thu a sim. Cun hliakhlainak lam le runsuahnak lam ih hnatuan tu pawl “mah le mah siang zet in pumpe ih an tuan nak” par ah lung awi thu a sim.

Netabik ah Pope in, Bawinu Mary ih thlacamsaknak thawng in, “duhdawtzet mi Colombia mi pawl hnenah Pathian in thlarau thazang le Christian ruahsannak thluasuah cu pe hram seh” tin thla a cam sak hnu ah a mai thluasuah pek nak a nei.

Hi thuthang cu Vatican news sung ihsin kan lakmi a si.