Damascus ah, Sr. Judita cu “French Siizung” hotu tin an thei tam. kum li sung rori Syria ih Catholic Siizung pi ah Sr. Judita le an mai sister dang pawl cu hna an rak tuan. Sr. Judita cun Christian pawl ih tihphan nak, mino pawl suahnak le nitin mina pawl hnen ah an titheitawk in ruahsannak an pek ti mi thu pawl a sim.
Sr. Judita cu, Damascus a thlen hlan khal ah leitlun hmundang dang ih refugee camp le ralbuai nak le harsatnak tong tu pawl umnak hmun ah Nurse dinhmun in hna tuan mi a si.
Sr. Judita in ka thinlung sung ih a cam ringring mi cu, “in bawm tu nunau nu hi zosaw a si” tin mi in an suh tik ah “Tonglet tu ih a sawn mi cu, “Pathian le a minung duhdawt tu Nu,” tin a sim mi hi a si.
“Ralbuainak le rapthlak za cangvaihnak ruang ih zianghman nei lo in farah zet ih tlantu pawl bawm ding ti mi in ka thinlung i khoih tuk.” Hi mi in, midang bawmnak hnatuan ding ti mi pumpekawknak I neih ter.
Tu ah cun, a hnatuan cu a phundang lam zet. “ka tuanvo cu Siizung pi hi thaten sum pai lam ah bobannak um lo ding ih kilkhawi ding a si ih, mi rethei pawl rianding ti mi kha rinumzet ih tuan ding hi a si.”
Hi Siizung pi cu Damascus ah cun, French Hospital tin an thei tam, cu le St. Vincent de Paul fanu pawl ih ta tin an thei. Cu le cu tawk ih a tuan tu pawl cu biaknak dang dang ih mithiam pawl an si.
A thlen pek ah cun, a tong thiam lo mi hi a harsat nak a si. Nuamteten taksa khuaiawknak hmun, a hleice in pumkhuai ih nauhrinnak lam ah a tuan ih nuam a ti zet. Ziangah tile cangvaihdan a bang awk ruangah a si tin a sim.
Tu ah cun, Siizung pi ah ihkhun 108, hnatuan tu 250 le Doctor 130 hrawng in an tuan rero. An mah pawl hrang ah hlawhman hmanhman ten pek thei ding le cangkang deuh ih hna an tuan thei nak ding ah tawlrel ding hi ka hnatuan a si. A harsatnak bik cu Sumpai boban(hlawhsam) lo ding ih kilkhawi ding hi a si. A cem mi zat khahsil thei ding nak sumpai hawl nak dang kan nei lo ruang ah, Mifarah pawl lawng si lo in milian pawl khal kan cohlang. Milian pawl ih pek mi sii man in mifarah tam pi kan bawm thei a si, tin Sr. Judita in a sim.
Syria ram ih um mi Caritas le a dang bawmnak hnatuan tu pawlkom pawl thawn komaw in kan tuan rero. Kumdang khal ah Apostolic Nuncio၊ Cardinal Mario Zenari ih hoha mi Vatican’s Open Hospital ihsin bawmnak tampi kan ngah. An mai bawmnak in minung tampi ih nunnak cu kan run thei a si.
2011 kum ih ralbuai nak a thawhhnu ihsin Syria rammi pawl ih dinhmun cu tam pi a thleng aw. Mihrek cu hna pahnih an tuan. Christian pawl le a dang mi lian deuh pawl mi fimthiam nak nei tu pawl cu Europe, Australia le America lam ah an tlan. A tuih a um mi pawl cu ramdang ih thawn thei lo mi pawl te lawng an si. Kan hnen ih siizung rato tu pawl lak ih mitam sawn cu an ram ihsin suah an duh.
Himi thuthang cu Vatican News in kan don mi a si.
