2027 kum Seoul ih Leitlunhuap mino puai hrang ih an phuahmi Theme hla: “Raltha zet in um aw! Leilung pi ka neh zo” ti mi cu official in an suah zo. Hi puai pi cu August ni 3-8 tiang an tuah ding.

Miphun hmuahhmuah hrang Hla

Hi mi hla cu Minopuai  hrang ih an hril mi an thulu thawn pehpar aw ih (John 16:33) sung ta lak ih an phuah mi a si.  Miphun hmuahhmuah hrang ih hla a si vek in tong phun 6 tel in an phuah mi a si.

Himi hla cu “I thlun aw, iththatmi thinlung, tho aw la feh aw” tin a thok. Version pahnih a um. Pakhat nak cu a thoknak lam ah classical style a si. pahnih  nakcu a cemnak lam ah pop style in an phuah mi a si.

Himi hla cu zuamawknak ih tel 434 sung ihsin, ramdang 293 tel ih an hril mi a si. Holy See’s Dicastery for Laity, family and Life lungkimnak ih hril mi a si.

Leitlunhuap Korea Mino puai

Himi hla phuah tu cu Korea ih awnmawi thiam Francis Jiyoon Kim a si, an mai Korea nunphung le an ram mawinak, thawtnak pek ih a phuah mi a si. Korea awnmawi thilri hmang in an mai tong in an sak. Cun Seoul khua pi hmunmawi nak hmun pawl ah zuknung cangvaihnak tel in an tarlang zo. Hmaikum thaal rungthlen ding cu hlop a um nasa.

Asia ram ah Leitlunhuap mino puai cu 1995 kum ah Philippine ram Manila khuapi ih an rak tuah hnu, Asia ah a veihnihnak leitlunhuap mino puai an tuahnak a si. Korea ram cu biaknak dangdang umnak ram a si vek in, Catholic biaknak zumtu hi mipum 12% lawng a si.  A tu hi Catholic biaknak malnak hmun ah a veikhat nak WYD an tuah hmaisa bik a si.  

Pathian biaknak ih a tel duhdtu pawl hrang ah 2026 October thla ihsin hmin pek theinak on a si ding. An mai umnak ding hmun le puai an hril dan ih zirh in package a phunphun pek ding khal an ralring cia theh zo. Mobile app thawn a pehzom aw mi thiri pawl khal an tuah rero lai a si.

Seoul Archdiocese sung tel Parish 230 in hi mi puai hrang ah timtuah nak nasa zet an nei rero. A hleice in mikhual pawl cangcawi ding dan le mikhual pawl in Korea Catholic pawlpi ih nitin an nunkhuasakdan an teh ve thei nak ding ti duhsaknak  in an tuah mi a si.  

Tualsung hruai tu le Archbishop Peter Chung Soon -taick cun WYD puai hi ruahsannak puai a si ti lang ter ding in le Korea le Seoul tang rual in mikhual tlawmngaih dan khal langter ding in kan zuam na sa tin an sim. Leitlun huap mining thawngza tam tluk  hmuak ding in Team pawl cun kumthum sung rori an timlam rero zo. Pumpe hnatuan tu ding minung 30,000 hrawng an um ding ti kan zum, tu ah mi zatam pi in an tuan rero zo.

Hi thuthang cu Vatican news sung ihsin lak mi a si.