Zarhpi Ni Angelus thlacam nak ah, Pope Leo XIV in sang le nga ih mangbangza thu ruat in Khrih ton cu a harhdamzet mi tontehnak a si tin zumtu pawl hnen ah a sim.

St. Matthew Gospel sung ih sang le nga thawn mangbangza thuhla vun ruat in, Pope Leo cun hi tin a sim: Jesuh cun a tulsam mi pawl ih thinlung khuaruah har nak lawng thar ter sal lo in, laksawng tam pi thawn minung pawl khal a cawm khawm a si.

Matthew thuthangtha sung ah, Jesuh cun ziang tluk in misenpi par ah a lainatnak a lang ter ti kha, sang panga le nga pahnih thawn minung thawngnga a cawm thei nak mangbang za thu in kan hmu thei. Jesuh in hmusak nak tam pi a tuah, cu mi pawl cu a hleice in kan hrang ih a duhdawtnak le leitlun ih a run ken mi rundamnak, mitcaw pawl khua a hmu ter, hnaset pawl theih thei nak a pek mi pawl hi an si.   

Cutin a tuah tik ah, Khrih cun mangbangza lawng a tuah lo ih, Pathian Uknak a nai zo ti mi hmuahhmuah hnen ah a phuang a si tin Pope in a sim.

Pope in zumtupawl hnen ah a cah bet mi cu, hi sang le nga a zaiter mi hin, rilrawng tu pawl a do lawng si lo in, Bawipa thawn tonawk nak in zaing tin kim a famkim ti a lang ter. Pathian ih in kilkhawi nak cu ziangtik hman ah a pelhdah lo, “kan hal zet mi le kan hiar zet mi thutak le nunnak cu Khrih lawng in in pethei,” ti kha cing ringring uh si.

Duhamnak ruang ih thlarau lam natnak

Pope Leo in duhham nak ih a that lo dan zia kha raklrinnak a pek. “thlarau natnak” cun, liannak le thinlung ruahnak pawl tla a hnaihok ter ih,  tihal le rilrawng mi pawl ih an tah nak au aw hman a hngilh ter thei.

Pope cun, hi zangfahnak mangbangza ah, Jesuh ih a cangvaihnak pawl kan hmu thei, cu mi cu Bawipa in kan u nau vek in a mai nunak rori pe in netabik zanriah einak ah a thlen ter kha fiang ten kan hmu thei a si.

Curuangah, zumtu pawl, Bawipai’ zangfahnak kan teh mi hi, kan rual pi le kan innsang rawl ei khawm nak ihsin thok in nitin kan hnatuan nak ah cui a mawi nak cu theihpi tu ding in kan zuam ding tiah a sawm.

Jesuh ih umpinak in, kiangkap a tulsam mi unau pawl thawn petlaihawknak kan neih tikah, cui kan mancan te hman hi u le nau karlak ah remdaihnak can ah a cang thei tin Pope Leo in ruahnak a pek.

Netabik ah, in duhdawttu kan Nu Mary hnen ah, zokhal duhdawtnak ah thangso thei ding in in bawm aw la, cu ticun “nitin  ei tul mi rawl” khop ten kan ngah thei ding tin Pope Leo cun thla a cam.

Himi thu cu Vatican news in kan ngah mi a si.