Andrea Bocelli le ABF voices choir pawl, Holy Land, Uganda le Italy ramthum kom ih minopawl ih tuah mi “Canticle of Peace” thlacam khawmnak puai ah Pope Leo a tel. Cu mi concert cu, Castel Gandolfo ih Borgo Laudato si’ timi Pontifical hmuandum ah an tuah a si.
Hi mi caanserh an hman nak ah, Andrea Bocelli a mah rori in puai an tuah san nak thu hla pawl a sim. Cui hnu ah St. Francis ih ngan mi ca le a hla, Bible bungcang le a dang Pope Paul VI, Pope John Paul II le Pope Francis ih ngan mi ca pawl tla an siar.
Pope Leo cun Andrea Bocelli le ramthum kom ih mino pawl, nauhak 164 tel choir sak tu pawl thawn kom aw ih nan tuah mi hi “Lungawi za” cansung lawi a si tin a sim. Awnmawi an duhnak ruangah hitin an komawk thei nak a si. Mi hrekkhat pawl in Ralbuai nak, farah nak le harsatnak an tuarzia thu pawl an sim.
Pope Leo cun, an pumkhawmawknak a cemnak ah an mai tong cio ih thlacam nak an neih mi le “hlamawi zet an sak”mi, cun awnmawi(music) in aw bangaw lo pawl a komhkawm theidan a lang ter ti le, mi pakhat ciar in pumkhawmawknak hrang ah mi tangkai an si ti a lang ter tin a sim.
Hitin (choir) hlarem cu rualremnak le tuantlangnak hminsinnak ah a cang.
Mi pakhat hnak in a tum sawn mi
Cathianghlim sung ih vancung ih a um mi “Hlarem tu pawl” ti mi thu vun ruat in, Pope Leo in an rualremnak cu khuitawk in a ra ti a sile “a famkim mi lungawinak ” cu Pathian hnen ah a um ti an hmuhsuaknak ihsin a si tin a sim.
Cun hitin a sim bet, “hla nan sak lai ah, awnmawi in a ngai tu pawl ih lungsung ah – kan mah ten kan tuah thei mi hnak ih a tumsawn mi thil a um ti mi tonteh thar in pek ti nan ruat ngelcel maw? Cu cu mawinak kan tonteh mi kha a si.
“Tiva cu tihna lam pan ih a luan vek in, Awnmawi ih mawinak cun a mawi zet mi Pa tong ding in in sawm a si. Pathian in a lo pek mi laksawng kha thanglian ter awla, cui lakswang in a mah hnen ah lo hruai seh,” tin Pope in a sim.
“Thiltha pawl hrang ih sersiam mi nan si ti tla cing ringring aw, cule na hal zet mi lungawinak le a sullam pawl hrang ah leilung pi in a lo diriam ter thei lo ding ti tla hngilh hlah.” Cu hnu ah, Pope Leo in a mai bulpak thukamnak langter in : nan zaten ka lo duhdawt hai a si. Nan khua le ramhrang, nan inn sungsang hrang le nan zate hrang ah tla thla ka cam tin a sim.
Pope Leo in netabik ah, fimnak le nunphung lam ih a tlasam mi mino pawl na bawmnak par ah tam pi lungawinak ka nei tin Andrea Bocelli Foundation hnenah lungawi thu a sim. “Kawhhran rian a si mi, zate thathnemnak hrang ih hnatuan nak ah zokhal in thansonak lam hnatuan ah tel ve ding ti mi ah Awnmawi ih cahnak huham hmang in na tel ve. Pathian in na zuamnak par ah thluasuah lo pe hram seh.”
Cardinal Baggio khal in Pontifical hmuandum sung ih an phun mi “Methuselah” ti ih mitam sawn ih theih mi thingkung ih a thuanthu le a sullam pawl a sim. Hi thingkung cun nunau le mipa zate ih tuanvo a khih hmuh a si tiah a ti. kan ngah mi laksawng pawl kha kan ngaihsak ding, cuticun hmailam tefasin pawl ih nunnak le ruahsannak pawl khal a suah ter vivo thei ding.” Cui hnu ah hngilh thei lo mi St. Augustine ih tongkam pawl cu vunmang suak in hi tin a sim “Tlaihnu ah ka lo duh, Mawinak hlun, a thar ringring mi; Tlaihnu ah ka lo duh”
Pope Leo ih telpit nak par ah lung awithu a sim, cun a ratu pawl hnen khal ah remdaihnak cu “kan zate hrang ih pekmi tuanvo” a si tin ralrinnak a pek.
Netabik ah, Bawipai’ thlacamnak , remdaihnak hmuhawknak le Pope ih thluahsuah pek nak in an can cu an hmang. Cuihnu ah Andrea Bocelli le Choir sak tu pawl in Zangfahnak Mangbangza ti mi hla an sak theh hnu ah nuahuak pawl in an mai ram ihsin an rak ken mi laksawng pawl Pope Leo an pek.
Himi thuthang cu Vatican News in kan don mi a si.
Cardinal Baggio’s introduction (@Vatican Media)
