Pope Leo XIV ih bawmnak cu leitlun hmuntin kim ah pek a si. Hi mi bawmnak cu Dicastery for the Service of Charity (Vatican zungpi ih bawmnak petu) in tuanvo a la.  Pope Leo cun Spain ram a tlawn lai ah “bawmawknak cu nehhnu ah tin ti a theih lo” a tul can te ah bawmding tin a rak sim dah. 

Tu khal cu Asia taik ih Bangladesh ram refugee camp, Middle east ah Gaza, Lebanon le Syria ram, Europe ah Ukraine, France le Spain, Cyprus ih refugee camp pawl ah, America ah Agentina, Valenzuela, Haiti ti pawl, Africa ah Kenya, Zambia, Tanzania le Madagascar ram pawl ah an tuldan vek in nasa zet in bawmnak a pek rero a si.

A tul ti hnak in ziangruang ah ti mi a san kha hawl sawn uh

Hi hmalak nak hmuahhmuah cun Pope Leo ih bawmnak hnatuan lam tuanvo nei tu Archbishop Luis ih thupi zet ih a ruah mi: “Bawmawknak hnatuan hi hmakhat ten thehthei/cemthei thil a si lo” ti mi a lang ter. Cumi cun, harsat retheinak phun kim a suak ter tu, sualnak ih hram pi a si mi diklonak thleng danglam ter tu ding ah in ko a si,” tiah a ti.   

Netabik ah bawmnak lam hnatuan  tuanvo nei tu Archbishop Luis Marín de San Martín cun, “Christian nun ih a thu pi bik mi cu duhdawtnak a si.  Pathian ih thuthangtha kan au pi ti hmuhnak ah hi duhdawtnak hnatuan kha ziang tluk in a thu pi, Kawhran in ni tinten kan u le nau pawl thawn naih awk ding ah le an harsatnak le an ruahsannak pawl tla tawm ve ding ah in forh a si,” tin a sim.

Vatican thuthang sung ihsin kan lak mi a si.