Pope Leo in a nasazet mi hramlak meikang a tong tu Spain le France ram mi pawl hrang ah a tuar pi ve thu a sim. Zumtu u nau zate hnen ih sin khal in a rangthei tawk in bawm nak pe ding in le thacam sak ding khal a dil.

France ram thlang lam le Spain ram laifannak ah hramlak meikang cu a nasa vivo ruang ah, mipi pawl cu an tih tuk ih an tlan rero. cu le (emergency)poihruak bawmtu pawl khal cu an tam vivo.

Pope Leo XIV cun Castel Gandolfo ih Sunday Angelus thlacamnak ah hitin a sim, “tu naite ih France le Spain ram ih hramlak meikangnak ruang ih harsatnak a tuartu pawl le pumpe ih a bawm tu pawl hrang ah zumtu pawl khal thlacam sak ding in a sawm.”

France ram ah minung 200,000 hrawng cu umnak nei nawn lo in an um. Cun Spain ah minung 70,000 hrawng in umnak nei lo in an um. 

Leitlun huap Pi le Pu le kum Upa pawl Ni

Pope Leo cun, Profet Is 49:15 “ziangtikhman ah ka lo hngilh dah lo ding” ti mi thulu tar in Kawhhran in a vei 6 nak Leitlun huap Pi le Pu le Kum Upa pawl Ni puai cu kan tuah a si.

“An ni cu Kawhhran le khawtlang hrang ah Pathian ih laksawng an si ti thei in Pathian hnen ah hmunkhat te in lungawi thu sim uh si,” tin Pope in a sawm.

Cule Pope in kan zaten “Pi le Pu le kum Upa pawl kha upat ding le an man neih zia kha theithiam ding in” le cun, “tha ten tuamhlawm ding le bawm ding khal a tul,” tin thazang pe phah in forhfial nak a nei.

Himi thuthang cu Vatican News in kan don mi a si.