Nobel ngah tu 30, ram 30 ih aiawh tu pawl, cozah le ramkhel hotupawl, AIthiamsang 20, cun Open AI, Google DeepMind, AARU le Anthropic pawl tel in leitlun ih hminthang zet mi phunsang tlawng le hliakhlainak tlawng 30 pawl cu tui’zarh ah Castel Gandolfo ih Borgo Laudato si’ ah an tong aw ding ih, cuihnu ah Capitoline Tlang ah an tong aw ding. Cu tawk ah cun ralthuam bansan ding le ralthuam bansan ih daihnak tuah ding ti ih Rome Thuthan mi kha an cohlang ding tin zumnak an nei.

Hi tonawknak cu July 14-16 tiang Borgo Laudato Si’ ah, Vatican in minung 200 hrawng cu inntek dinhmun la in an tuah ding a si.

Pope Leo ih Magnifica Humanitas cangan mi sung ih AI san ih minung kilhim nak hrang ah a hlan mi ih sin thangphawk nak latahrat  in  thurel khawmnak ah, leitlun huap doawknak le neuclear lam buainak a roh sinsin ruang ah Pope Leo ih hmuitin mi “ralthuam bansan ding le ralthuam bansan ih daihnak” ti mi thu pawl kha a tel ding.

A hleice in, leitlun humhimnak, cetlam thiamzung thar pawl kaihhruaiawknak, ralthuam bansantheinak/ hlon thei nak le remdaihnak lam ih sumdawnnak thangso ter ding thu hla pawl an rel ding.

Relkhawmnak ih a thu pi bik cu nuncan ziaza, tuanvo le thilthar sersuahnak pawl kom in leitlun huap ruahnak thar hawl hi a si ding.

Hi mi relkhawmnak ah leitlun huap hminthang thiamsang tlawng ih sin mitam pi an tel ding. Relkhawmnak ih a netnak ah Rome ih thuthan mi AI san ah ralthuam bansan nak le ralthuam bansan ih remdaihnak, nuclear le zalennak ralthuam le Digital thansonak ti vekpawl kha simfiang nak an nei ding. 

Hi thuthannak ih tumtah mi cu, AI kaihhruaiawknak ih fehding daanhram pi le kaihhruainak pawl din ter a tum. Cule milai ropitnak, thansonak le miphun pawl hmuahhmuah lak ah daihnak um thei ding ih tuan tlang ding kha a si.

Himi thuthang cu Vatican News in kan don mi a si.