Islamabad- Rawalpindi Diocese ih Archbishop Joseph cun Pakistan ih Kawhhran in hmuhsuamnak le nekrawk zet in sor a tuartu pawl humhim ding ih a thutiam mi pawl ruat in, nauhak humhimnak cu innsang  thuhla men a si lo, miphun ziaza that nak ding hrang ah tuanvo lak ding a si tin a sim.

“Nauhak kilhim nak hi a thu pi tuk.”

Archbishop cun Fide thuthang la tu hnen ih a sim mi cu, “Pakistan ram ih nauhak pawl par ih nupa sualnak buainak hi a karhzai vivo ih zamrangzet ih ngaihsak a tul.

2025 kum ih an sim dan vek cun,  nauhak pawl par ih zohsuamnak, nulepa sualnak tuahpit le nauhak ruk ti vek hi  zatek 8 tluk rori a karh/thang tin an sim. Hi ti vek sualnak tuah hi, ningzah thlak bik a si. Ngaithiam theih thil khal a si lo,” tin Bishop in a sim.

“Zo khal in, an fale pawl tihnak , hrinhronak le humhim lo nak hnuai ih an um sung ah cun  an mah le mah dingfel, remdaihnak le nunphung nei tin an ti aw thei lo,” ziang ah tile  Pathian ih  laksawng thianghlim an si ruang ah  nuncan ziaza, zatlang nun, daan le pawlkom tuanvo sangbik thawn kilhim ding an si.

Hi mi thu thawn pehpar aw in, Archbishop Arshad in, “an Cozah pi le tuanvo nei tu pawl hmuahhmuah hnen ah a rang thei tawk in hi vek  sual nak tuah tu pawl cu felfai zet le hngetkhoh zetin hmalak nak nei ding in a dil.”

Himi thuthang cu Vatican News in kan don mi a si.