“ Kan mah vek ih ruahnak nei lo pawl hrang ah zangfahnak neih a tul.” tin Jerusalem ih Cardinal Pizzaballa in June 29 ni, Italy ram Bergamo ih Italian ramkhel thuthang latu pawl thawn remdaihnak thu an rel lai ah a sim mi a si. Gaza hi cu mi siatsuah tu a si. Hi ti a sim thei nak cu Greek Orthodox Bishop Theophilos thawn Gaza lam an vatlawn lai ih a hmuhton mi a si.
“Khuapi(Myo) pawl cu an siatbal theh a si. Rahfah Myo khal um nawn lo. Ka thinlung i natertu bik cu lamzin tluan ah thlam fa tete ih sak mi ah Gaza mi pawl an um,” hi a si tin a sim.
“Zuksuaimi par ih hmuhtheih lo mi thil pakhat cu a rim hi a si. Cule a tu laitak ih zonziahnak nasa bik an tuar mi cu mi keu thei zinghnam pawl hi an si. A hleice in nau hak pawl an keu, Gaza cu nauhak tampi um nak hmun a si. Tlawng kai lo in lamzin bal le hnawmhne lak le tikua kiang ah an lek rero men .”
Thanso ngaihnak a um lo
Raldo an cawl nan thanso nak lam zin hi hmuthei a si lo. Ziangruangah tile, in le ei ding pawl um hman seh, ziangkhal luh an siang lo an kham thluh tin Cardinal Pizzaballa in a sim. Tlawng ih hmanding mi cauk le cafung pawl, cabuai tuah nak ding pawl khal in kham thluh. Kan mah ten kan ti thei tawk in hmanbang mi thil sung ih sin tuah thei kan zuam rero,”tin Cardinal in a sim.
“siivai lam hnatuantu pawl in a tuih kan tul bik mi cu nauhak le Nu pawl ih thinlung lam natnak kha tuamhlawm thei tu ding ah hnatuan tu ding pawl zirh ding hi a si,”tin an sim.
An ramdinhmun tihnung dan zia
West Bank le Palestine ram pawl ih dinhmun cu tihnung za an si veve ko. “Ukawk nak lam daan ti khal um lo,” um hman seh la Palestinian pawlhrang ah ziang hman a santlai lo. Israel pawl lawng in duhduh ih umthei nak an nei. An ram sung ah checkpoints tam pi an ret ih thingkung tla an hau, cun an ram ih lo tuah ding khal an awih lo, rukru, tawhawk nak le zomtaihawk nak hlir in a khat,”. Hiti vek ih nungcang tu pawl khal ziang hman an ti lo.
“Kan ni khal hi rammi kan si ve”
“Kum tampi sung mi huatsuak pawl ruang ih buainak tampi tuar in le tong bangawk lo nak ruang ah kan ruahnak khal zohman in ziangah siar lo in in zohsuam nak hi tui ni tiang in a karhzai vivo,” tin Cardinal in a ti. Cu mi cu Pope Leo XIV ih a sim mi ciah“Tong bangawk lo ih hardan/ buainak ”ti mi hi tui kan buai nak hram pi bik a si tiah a ti.
Hi thu pawl cu Vatican news sung ih sin kan lak mi asi.
