Kawhhranpi ih pawlkomawk nak a zirh mi cazual pawl lakah hi mi cazual hin khatcilh sal ding le kan ton  rero mi a thupi mi in dil mi cu co nak le simfiang nak hrang ih dil mi kha kan theih thiam thei nak dingin tampi in bawm ding kan ruahsan.

Mah te um mi kiangkap thawn pehpar aw in tuisan ih kan ton rero mi harsat nak kha science mifim pawl ih an hmu mi a phi par ah hrambun in zoh dan mal te kha ka lang ter duh. Hi vek ih lang ter nak cu cu mi in kan mah pawl kha hi harsat nak kha thuk zet in in theithiam ter ih, pehzulh ih tuah ding mi Kawhhran lam thu thawn pehpar aw mi, Moral thawn pehpar aw mi ngaingai ih tuah nak ih hrambun kha in ngah ter asi. Kan nih pawl cu mahte um mi thil pawl kilhimnak kan tuah nak cu a hlan lai ih an tuah cia nak thawn bangawk dingin Juu mi phun pawl le Khristian pawlkom pawl ih zirh mi hrambun mi thu kha ruah sal ding ka duh asi.

Cui hnu ah tuhrang ah a hrampi kha hawl hmu dingih  zuam nak thawn ih harsat nak hrangih nat nak pawl kha hawl rero si lo in cu mi pawl an um nak san kha thuk zet mi thuhla pawl tla kan hmu asi. Hi vek ih tuah nak cu mah te um mi kiangkap harsat nak kha thencat ding ah leitlunpi ah minung pawl ih danglam nak le minung pawl le kiangkap a pehpar awk nak kha upat nak thawn simfiang nak kha a suak ter ding asi.

Hi ruahnak ihsin kan ngah mi a phi ruangah mitin an tel ih ramtin thawn pehpar aw mi daan (Muvuadah) parah that hnem nak ngah ding ih ruahnak le tuahnak pawl ruangah a tul mi ruahnak peknak kha ka dil duh asi.

Netabik ah dinhmum thleng danglam nak suak ding ih tuah mi ih thazang pek tu cu tumram neih nak le fimnak pe thil pawl tel lo in tuah a ngah lo thu kan thei ih, minung pawl thangso nak ding hrangah a tul mi lamhmuh tu hrekkhat pawl kha Khawhhran mi pawl ih zum nak hmuhton  mi thu ah hrambun ih sim ka duh asi.

Laudato Si’ no. 15 kan lo hrawm a si.