Pope Leo XIV ih a hmaisabik Encyclical (capi) Magnifica Humanitas kha May 25 ah suah a si ding thu Vatican thuthangin than.(May 18, 2026)

Pope Leo XIV ih ah ahmaisabik suah mi Encyclical capi a si mi Magnifica Humanitas cu May 25 ni ah suah a si ding. Hi mi capi sungah thluak a lem Artificial Intelligence san sungah minung ih sinak upatnak le minung dinhmun sinak kha humhim thu kha thupit in ngan mi si.

Cuiniah Vatican City ah Pope le thusim tu a phunphun a tel mi ca pholangnak puai kha tuah dingah tawlrel asi.

Pope Leo XIV ih a hmaisabik Encyclical Letter capi a si mi Magnifica Humanitas cu 2026 May 25 ni ah suah a si ding. Hi capi ah thlauk lem Artificia Intellifence san ah minung sinak upatnak le milai sinak dinhmun kha kilhim dingah thupit ih suah mi asi.

Hi capi ah Pope Leo XIV ih lethmat kha May 15 ni ih thutmi ah tuah a si ih cui ni cu Pope Leo XIII ih Rerum Novarum Encyclical a suah mi 135 kum kim ni hngilh lonak ni khal a si.

Magnifica Humanitas capi suah ding ni zinglam 11:30am ah Vatican’s Synod Hall ah pholang a si ding.

Hi mi caanserh ah Pope Leo XIV a mah rori a tel dingih a tanglam ih thurel tu ding pawl khal an tel ding.

• Victor Manuel Fernandez -zumnak lam zirhtu (Dicastery for the Doctrine of the Faith)
• Michael Czerny, S.J – (Dicastery for Promiting Integral Human Development)
• Anna Rowlands- Durham University in Theology thiamsang.
• Christopher Olah- America ih Anthopic ih komkhawm indintu le AI interpretability Thuktetanah hotu
• Leocadie Lushombo- Santa Clara University (USA) ih Jesuit School of Theology in Political theology le Catholic social thought.

Anetnak thucahnak ah Cardinal Pietro Parolin in a sim dingih cuihnuah Pope Leo XIV in thucahnak le thlawsuah pek nak thawn a ap ding asi.

Theihternak le simfiangnak,

Magnifica Humanities ti mi cu Latin ttong a si ih a san cu “a thupi mi minung ih sinak lole mangbang za a si mi minungih dinhmun” tiah san a nei. Encyclical ti mi cu Pope Leo XIV vekin Pope pawl in Catholic Pawlpi ah Puithiam pawl le zumtu pawl hnen kuat mi official biaknak lam ca phunkhat a si. Hi casungah zumnak, nuncan ziaza, nunphung buainak pawl, remdaihnak, thudik le minung sinak vekin a thupi mi thuhla pawl an zirhih an simnak thuhla pawl kha zirhin an simfiang theunak a si.  Hi mi thuthang cu Vatican thuthangin a remcang bik ding daan in kan ngan mi asi.