Mibum le thuphan per a hmang theutu nauhak pawl kha hi mi tidaan in remsak an tul.
Nauhak pawl kha veikhat khat cu thuphan an sim thei theu. Hi ti vekin thuphan a sim ti thei nacingin ziangsiar lo ih um le an hung upat deuh tikah thuphan simnak le mibumnak ziaza an nei ta cih theu ih thuphan pertu ah cang theu. Hi tivekih cang lo dingah an nauhak lai in ramsak daan kha run tarlang ka duh.
1.Ziangah thuphan a sim ti mi thuhram kha hawl aw. Cawhkuat pek tihah maw thuphan a per, midang ih ngaihsak duh ah maw a sim, a ruahnak pawl kha thu ngai vekin mawt asim, rualpi pawl lakah lamdang hleice si duh ruangah maw thuphan a sim ti mi pawl kha a san hawl in nauhak thinnuam lonak cangter lo mi tidaan pakhat kha hawl aw. Nauhak kha a ti sual pang a sile cawhkuan pe lo in hi ti vekin thuphan pernak ruangah canlo cangter pang lo dingin zirh awla nauhak ih a tul mi pawl kha kahsilhsak ding asi.
2. Daite in lehrul aw. Nauhak in thuphan a per lam na theih le thinheng lo in daiten thusut aw. Cui a thuphan rel mi thu kha kan rel tlang ding tiah sim aw. Ziangah hitin na sim ti mi thusuhnak pawl thawn an mai dinhmun kha thei dingin ruah sak aw. Nauhak kha mawhphurh rero hnak in thudik sim thiam dingin zirh aw.
3.Thuphan relnak ih that lonak pawl kha simfiang aw. Thuphan relnak cu midang pawl ih rinsannak a siat ter ti mi a that lo zia kha simfiang aw. Thuphan rel cu zohman in an lo zum nawn lo ding” tiah thu um daan pawl khal simfiang aw.
4.Tikcu la in remsak an tul. Thuphan rel thiamnak ziaza cu nikhat lawngin a hlo lo ding. Nulepa in thinsau ten hi ziaza sia kha tik cu caan tawkfang la ih remsak ding a tul a si.
5.Atul le mifim thiam deuh mi hnen ah sut in remsak aw. Nauhak ih mi a bumnak a tam sinsin a sile thinlung lam thawn pehpar ih buainak pawl thawn a peh aw thei ih nauhak thinlung lam thawn pehpar ih thiamnal pawl hnen ah damter a tul asi. Nauhak pawl cu upa pawl ih ziaza, tuah daan an cawng theu ruangah nauhak pawl hmai ah a tha mi pawl tuah dingah a thupi zet asi.
Nauhak pawl mibum le thuphan rel na duh lole mah rori khal thuphan rel lo ding asi. An hrangah a tha mi cawng nak pe thei dingah a thupi zet a si.
crd
