Pope Leo in “kan mah pawl ziangtik hmanah in el dah lo tu Jesuh kha zum ringring aw” tiah Pompeii ah sim. (May 8, 2026)
Pompeii ih a Tuukhal khual tlawnnak a thawhnak ah Pope Leo in harsat tuartu pawl bomnak pe theutu charitable organization pakhat thawn an tonawknak ah Jesuh Khrih kha zum in Pathian ih ttongkam kha nan tuah nak pawl ah thangphawknak ah ruat dingah a rak forhfial.
“Jesuh ih ttongkam thawn Bawipai kha zohnak ih a suak mi lungawi nak thawn thangphoknak cohlangin pehbet in cangvai uh. Cui lungawinak cu mitin hnenah than uh” tiah Pope Leo in a rak sawm.
Pope ih hrilnak nak a ngah nak kum khat kim May 8 ni ah Pompeii Biakinn ih a sim mi a si. Charity worker pawl hrangah thla a camsak thu a sim ih thlawsuah a pe ih Pope in Pompeii ih a thianghlim mi Rosary Siangpahrang Bawinu hnen thlacam sak dingah a rak dil. St, Bartolo kan mah hrangah thla in cam sak aw tiah a rak dil. Hi mi thuthang cu Vatican thuthang in a tawizawngin kan ngan mi asi.
